محتاجة نصيحتكن كتيييير

السلام عليكم. ..انا بنت سورية عمري 21 سنة طالبة هندسة. مخطوبة من 9 اشهر ..خطيبي اكبر مني ب7 سنين مقيمة حاليا باسطنبول و هو مقيم بالإمارات
هو من زمان كان فتى أحلامي 😊 والحمدلله الله جمعنا بالحلال...من شهر تقريبا كتبنا الكتاب (عقد القران )
هو مافي منو والله دين وملتزم ومتعلم بجامعة اسلامية و بيشتغل شغل شغل منيح كتير
انا وخطيبي منحب بعض كتييير وصار بيناتنا أحلى قصة حب الحمدلله بعد خطبتنا. ..لكن مشاكلنا كتيييرة ...يعني كل اسبوع مشكلتين..تلاتة...و اغلبن بسبب حساسيتو الزايدة و لما بتصير مشكلة بيعصب كتييير واحيانا بزعلني بحكيو وبقلي روحي من وشي مثلا... المفروض لما يعصب ما اناقشو...بس بقلي كلام بيزعجني فما بحسن اسكت :( و بالاخير بأغلب الوقت انااللي بصالحو..يمكن انا السبب عودتو على هالشي
خلال هال9 شهور شفتو لمدة 30 يوم بس بحكم انوهو عايش بغير بلد...بالاوقات اللي قضيناها مع بعض..قلت مشااكلنا كتييير للربع وما بقينا نتقاتل متل قبل
انا ماكتير حساسة وبسامح فورا..وما بوقف عند تفاصيل صغيرة
هو عكسي...و لما بيزعل بطول ليرضى
أغلب مشاكلنا مشان الغيرة. ..هو غيور كتييييير علي يعني طلعة من البيت بدون سبب ما بخليني..مع العلم انا لسا عند اهلي.بحب غيرتو..بس مو للدرجة اللي بتوصلنا للمشاكل
لما كنت بسوريا كان يقلي بس تصيري بتركيا رح اسمحلك تطلعي وتدخلي وتروحي مع رفقاتك ...لما صرت باسطنبول و اجا زارني هون...غير رأيو..و قلي ماكنت متخيل انو هيك الوضع بتركيا ..صار في ناس اشكال و الوان وبخاف عليكي... بس تصيري عندي بالإمارات اكيد بخليكي تطلعي لحالك اذا في داعي لانو وضع البلد غير...خايفة يتغير رأيو بعد الزواج :(
من بعد ما انكتب الكتاب زعلو تطور وعصبيتو تطورت..صار يغضب علي ع اتفه سبب :(
اذا ناقشتو بقلي عم تجادليني وبيغضب علي
يعني خلال اقل من شهر غضب علي حوالي ال 4 مرات..ع اسباب فاااضية ..امي ما سمعتا ولا مرة غضبت علي
اخر مرة كانت من حوالي 4 أيام. .بسبب الجدال غضب علي مرة ومرتين وعملي بلوك عالواتس ومن وقتا ما حكيت معو
و حكيتلن لاهلي اللي صار. .انزعجو منو كتييير وقالولي ما ارجع احكي معو لحتى هنن يتصرفو ويحكو معو ع هالتصرفات وينبهو
هالمرة ما رح أضعف و أبدأ انا بالحكي معو كعادتي لانو صار لازم يعرف انو الي كرامتي ولازم يحترمني :(
كل يوم عم ببكي وبدعي لربي يدلني عالخير..
بحبو كتيييير بس ملييييت من المشاكل اللي دائما بيتهمني انو انا سببا
ما بتخيل اعيش حياتي مع حدا غيرو وما بدي اعيش حياتي بالمشاكل :(
امبارحة صليت الصبح وصليت استخارة ونمت..شفت بنومي عنكبوت
هالشي بدل عالخير ولا الشر ؟
اتركو ولا ابقى معو و****لله طباعو بتتحسن من خلال معاملتي معو
ابوسكن ساعدوني
اسفة طولت عليكن