** محتاجة وقفتكم معي جبت شغاله تعالو اسمعو وش تقول***

السلام عليكم ورحمة الله وبركاته................ وبعد

اخواتي في عالم حواء حبيت اخذ رايكم في شغالتي وابي نصيحتكم وكل وحده تشيري علي باللي ترضاه لنفسها

انا صراحه تعبانه نفسيا من ذا الشغاله بس ما ابغى ابين لزوجي هذا الشي لان اول مره اجيب شغاله

انا اللهم لك الحمد انسانه قايمة بيتي وعيالي وزوجي سنين ......... لكن حملت وجبت تؤام :04::04: الله يحفظهم لي يارب فامحتاجه لشغاله مو عشان تهتم فيهم عشان تغسل وتكوي وتنظف فقط ........طيب وش المشكله
انا قدمت وطلبت وحده ما قد اشتغلت برا السعوديه وتكون مشتغله في السعوديه سنتين بس وطلبت بنت مو متزوجه

بعد شهرين اتصلو تعالي خذي الشغاله................رحت لهم وهنا كانت المفاجاه...........
كبيره........................ ومشتغله قبل كذا في الامارات 4 سنوات........... وكان معها موبايل على قولتها لها في الامارات
وقالت زوجة صاحب المكتب هي كويسه وماتبغى جوال و

رحت البيت وانا اقول لا استعجل يمكن تطلع كويسه....... وكل يوم اكتشف شي طلعت مشتغله 14 سنه 10 سنوات في السعوديه.......... و4في الامارات غير كذا تقول انا انا كنت برجع الامارات لكن المكتب رفض عشان خلاص اشتغلت 4 سنوات............
طبعا من ثالث يوم قامت تنافخ تقول لاتقولين هذا مو نظيف انا اعرف وذا ماتغيني رجعيني قلت مافيه انا دافعه فلوس كثير مو على كيفيك

اعدمت ملابس عيالي............ بطيئه جدا............... غير نظيفه ..............نفسها شينه
وجها واقف.......... ترد بكل وقحه ...........كل الي حولي يقولون اصبري هم كذا اذا جاو بعدين يصيرون زنين وسرعين وانا عندي تؤام اجلس انادي بالساعات وتقول ما اسمع
وكل هذا وقلت ماعليه نصبر ونشوف واروح السوق واجبي لها ملابس غاليه وشامبو وصابون واكلاتهم يعني رب يشهد اني ما قصرت معها واقول اذا تبين شي من الثلاجه خذي

المهم يوم جبت الملابس لبست قميص وجت زعلانه قالت وش هذا وسيع انتي خايفه مني على زوجك............هنا المصيبه وش دخله هو بالموضوع وقتها زوجي كان مسافر............انا قلت لها زوجي الحمد الله كويس ويخاف الله وانتي عندي تلبسين وسيع ضيق مافيه وهي تراها مليانه من تحت يعني ملفته:35:
وانها في الامارات كانت تلبس على كيفها بناطيل.........
ومشيت الموضوع


الحين كل شوي تطلع لي بسالفه مدري وش قصدها يمكن تفهمونها اللي جربو الشغالات

تقول يوم كنت في الامارات كنت احب واحد سوري صاحب محل دولايب انا ومدام رحنا عنده وعطاني رقمه يكلمني ويقول انه يحبني بس انا مانمت معه عشان انا لسى ماتزوجت............... وشغالة اخت مدام انا تنام من ابو مدام

وعرفت ان شغالت العائله ينامون في غرفه وحده برى البيت وكلهم معهم جوالت

وتقول لا تخافين مني هذا اول الحين انا خلاص تزوجت وجبت ببي..............حتى انا قبل اتزوج في اندوسيا غيرت رقم جوالي عشان السوري كنت اكلمه يقول ارجعي وانا اشغلك معي في فندق وخفت زوج يزعل

وهنا انا عصبت وقلت انتي ماتخافين من الله وش هذا الكلام حرررررررررررام

طبعا انا ودي اذلفها بسرعه بس انا بمنطقه بعيده عن هلي والمكتب في ديردة هلي
وقلت لختي قالت يابنت الحلال خليها تسولف ماعليك منها............ ماعندها سالفه

وتقول الشغالات في المكتب يقولون لها اذا تبغين مدام الجديده تحبك صومي عشر ايام ومدري وش تسوي بس تقول انا اجوع ما اقدر وانت اذا بتحبني من الله
وانا قلت له يمكن حنا نسافر برى السعوديه .............وما اقدر اشيلك معي ............ردت بكل وقاحه وقالت انتي كذابه عشان انا اشتغلت في الامارت.......... قلت انتي قليلة ادب لو ما اباغالك ماجبت لك شي وماخليت عندي

وانا والله حاطه ايدي على قلبي منها


واليوم العصر جاتني تقول انتي جابيه تؤام انا بنت جيران في اندوسيا جابت نؤام بنات من السعوديه جات حامل من كفيلها............ وان بنت خالتها جات من السعوديه حامل وجابت ولد اسمر زي بنقالي ومدري منهي بعد ان كفيلها يعطيها فلوس كثير ويحبها..................وانا ابي اسمع للاخر

وقلت انتم عندكم عادي قالت ايه ......وتقول حق بنت خالتها وش هذا... انا اول شغل في السعوديه مافيه احد حبني انا
انا هنا عصبت
قلت كذابين اذا وحده سوت مصيبه ماتسافر كذا لازم سجن وجلد وضرب............ واذا متزوجه يقتلونها هنا مافيه لعب

حسبي الله عليهم..............انا طولت عليكم بس ليت تفيدوني وش اسوي معها...........وانتبهو منذا الاندونسيات


واشكر صاحبة المعرف اللي خلتني اتواصل معكم