محتاجتكم......عندكم حل والا انفصل عنه وارتااااااااااح؟؟

السلام عليكم ورحمة الله وبركاته

اولا احب اعرفكم بنفسي اختكم / ام نايف جارت اختي الله لايحرمنا
طرحت عليها مشكلتي واشارت علي اني اكتبها لكم عسى يمن الله عليه وترجع الفرحه والبسمه على وجهي
ما راح اطول عليكم
مشكلتي طبعا زوجي ، وهل فيه غيرهم سبب المشاكل؟؟
انا انسانه خلوقه وقايمه بحقوقه على اكمل وجه إن شاء الله انجبت له الذريه واتمنى إن الله يجعلها ذريه صالحه
المهم الانسان هذا من يوم ماتزوجني وهو دفش مايعرف الرحمه مايحسب أي حساب لاحاسيسي ومشاعري
ولا حتى احتياجاتي واحتياجات عيالي ايجابياته معانا على حسب مزاجه مو على حسب الظروف آآآآآآآآآآآآه عانيت وعانيت وعانيت
ودي اقولكم عن اول موقف صارلي معاه تخيلو كنت توني عروس وحملت على طول وكنت عند اهلي ويجي اربعاء وخميس يأخذني للشقه وهذا لظروف عمله ثم ارجع لاهلي الجمعه واستمر الوضع شهور وكان وقتها ممشي علي نظام إن كل خميس الغداء عند اهله عاد استغفر الله من ذا الاهل مرت ابوه وربعها (امه متوفيه) كنت آلاقي تعليقات وتنطيلات وساكته يوم من الايام قلت الله يعافيك تعبانه من الوحم ومالي نفس اروح تدرون وش سوى فيني؟؟
مسكني مع ثوبي من عند صدري وقال لي نعم نعم نعم اجل ضفي هدومك وانقلعي لبيت اهلك :44: واضف اغراضي واقعد اصيح عندالباب من صلاة الظهر ركني لين الساعه ثنتين ونصف لاكلمني ولا وداني .
وغير هالمواقف كثيييييييييييييييييييير آخرتها زواج اخوي من اسبوع تخيلوا جاء يطلعني من الساعه 11 واترجاه اقول فشيله اول من يطلع انا وهو عرس اخوي قام يهاوشني ويتطنز علي ويتفاخر ويقول قولي زوجي طلعني حاط نفسه شي :30:
واقول بالله لو زواج اخوك منتب جالس لوقت متأخر قال انا غير وانتي غير ومالك دخل فيني انا اجلس على كيفي بس انتي لا يعني حلال عليه وحرام علي :06:
لا وجلس اسبوع مايكلمني والسبب اني قلت فشيله طلعت بدري :29:
ومع ذلك مخلصه له حتى في زعله اجيب له شاهيه وقهوته واضبط غداه واسوي كل اللي متعود عليه يعني ما ازعل ولا اظرب عن شي واحاول اكلمه تخيلوا ياخذ مني الشاهي وهو لاف بوجهه عني ويكلمني من طرف خشمه :44:
بصراحه ذبحني هالانسان ذبحني والله اني اتحمل علشان عيالي واذا قلت له ابي السوق وهداه الله ووداني وجاء بعد شهر وقلت له محتاجه للسوق قال وشو توني موديك !!!!!!! :confused: ثم اصبر كم يوم واقول عندي مناسبه وظروري اروح للسوق يقول قلتلك لا يعني لا طبعا هو موسلبي كل الوقت لا احيانا تجينا مكرمات ملكيه ويطلعنا فيها بس بنكد واذا طكلعنا نتهاوش والا طول الطلعه مغير ينافخ
يمر علي الاسبوع والاسبوعين ما اطلع من البيت ولدي يقول لي ماما ليش صديقي يطلعون الاربعاء والخميس ليش حنا مانطلع والله ما القى جواب واذا قلت لزوجي طلعنا قال انتي ماتستحين كل يوم تبين تطلعين !!! :confused: اقول له لنا اسبوعين ماطلعنا يقول الحرمه تقعد في بيتها و و و و و اقول له انت كل شوي طالع يقول انا غير انا رجال تقارنين نفسك فيني انتي تحمدين ربك وتقعدين في بيتك انتي حرمه :44: (يعني الحرمه مالها رب)
وغير كذا مريت بفتره مرضيه والحمد لله تعالجت منها بس خايفه من الهم والكدر ترجع لي مره ثانيه
انا الحين افكر بالطلاق ابي ارتاح منه ومن سيطرته الا محدوده
ابي اعيش انا وعيالي براحه مايهمني اكون مطلقه اهم شي عندي اعيش مرتاحه خلاص احس اني معاد اقدر اتحمل وبديت اخاف على نفسي من المرض والتعب
وقبل ما اطلب منه الطلاق قلت اعرض حالتي عليكم عسى يكرمني الله بحلول قد تنفعني وتغير لو شي بسيط في مجرى حياتي
ياناس ابيه يقدرني ابيه يحترمني ابيه يعاملني كانسانه
مقيدني ومسود عيشتي كاتمني وكاتم عياله آآآآآآآآآآه حسبي الله ونعم الوكيل
يطلع ويدخل ويروح للمطاعم هو وياه بنات اخته يقال لهم عازمينه في مطعم ويجينا مبسوط ماكأن عنده في البيت بشر
وان قلت ليش والا فتحت فمي بكلمه قامت القيامه
يبيني في بيته لا اسمع لا ارى لا اتكلم يبيني خدامه له واربي عياله والمنه له اذا حسسته اني متضايقه والا ماعجبني شي ثار في وجهي وقال لي احمدي ربك الطفش والملل مهوب لك انتي في بيتك وعندك عيالك
حاولت ارضيه بكل الطرق مافيه فايده حاولت اغيره بكل الطرق مافيه فايده حاولت وحاولت وجربت وجربت عنيد وراكب راسه للمعلوميه لي على هالوضع 13 سنه
طبعا ماكتبت لكم كل شي هذي مجرد رؤؤس عناوين بس عشان اعطيكم فكره عنه وعن معاناتي معاه
هل عندكم لي حل هل الاقي عندكم بصيص من امل يخليه يحن علي ويقدرني
الله يفرج همي وهم كل انسانه عطتني من وقتها لو ثواني.