محتاجتكم .. أنا لا أنظف البيت إطلاقاً !! / تعديل

بنات انا انسانة وسخة بما تعنية الكلمة من معاني انا متزوجة من سنة تقريبا المشكلة اني ما انظف البيت اطلاقا وصدق او لا تصدق ان ملابس من سنة ما غسلتها الا مرتين مرة عند الغسال طبعا ومرة غسلتها بالبيت ملابس زوجي اخر همي يوديها المغسلة و البيت ما انظفة اطلاقا الا بالمناسبات يعني اذا بيجوني ضيوف صحصحت ونظفته تقريبا 3 مرات دورات المياة وانتم بكرامة ما انظفها ابد بس فيني خير المطبخ اغسل المواعين كل يومين طبعا كنت اعاني اني ما احب اطبخ وكل يوم من برى الا ان شفت زوجي بدا يتذمر بقوة فصرت اسوي اندومي ومع الايام بديت اغير الان ميزانية تعبانة جدا فعشان كذا غيرت رايي وصرت اطبخ بالبيت المغاسل الله لا يوريكم وغرفة النوم كلها كعكات ملابسي ومناديل في كل مكان وكاسات لماء ها اكثر من شهر واوراق مرمية بكل صوب وغبرة بشكل خيالي والمخزن حكاية ثانية اغراض وصحون وملابس مكومة ومرمية بشكل عشوائي على الارض يعني البيت ما شوف الارض اشوف اغراض مرمية بكل صوب ولدرجة اذا بنطلع اقعد ادور على العباية والجزمة ساعة واحيانا ما القاها بنات انا مدري وش فيني لاني مدلعة ولا شي ولا عمري كنت كذا وسخة ببيت اهلي والله لي يشوف بيتي ما يصدقون اني كذا بنات انا ما ابي منكم سوا عطوني حلول جذرية رتبولي جدول للغسيل وتنظيف المنزل والمطبخ ابي اكون مثل الحريم السنعات ابي اغسل وانظف بس اتعيجز وكل يوم اقول بكرة تعبت بخاطري بيتي يكون نظيف وتفوح منة روائج زكية مش كل يوم اكتشف فطريات ولا اوساخ بالرغم اني مش موظفة ولا طالبة ولا عندي اطفال بس محدثتكم وسخة ولا هي يم الشغل وشغالة ما اقدر اجيب الميزانية تعبانة الله المستعان علموني تكفون كل شيء من الف الى الياء وعطوني تجاربكم