محتاجتكم اخواتي

السلام عليكم ورحمة الله وبركاته
كيف حالكم اخواتي ان شاء الله طيبين
انا عندي مشكلة وحابة أشارككم إياها افيدوني...
اقرب اخواني تزوج من فتاة خارج العائلة وامي كانت لا ترغب بها لكن اخويا اصر عليها وطلب مساعدتي وانا اكثر وحده وقفت في زواجه ودعمته وتزوج بها
وزوجته كنت معتبرتها مثل اختي دايما ازورها ولمن حملت كنت اطبخ لها وألبي احتياجاتها بحكم انها بعيدة عن اَهلها اَهلها في الرياض واحنا في مكه تجي مكه عندنا فقط ايّام الاجازة وهذه الفترة كنت شايلتها بعيوني
لكم بعد كذا رجعوا الرياض وصار خلاف بيني وبين اخويا وتدخلت زوجته وهي مالها اي دخل بالموضوع وبعد كذا رحت كلمتها واتس انها لا تدخل في علاقتي مع اخويا طبعا زعلت وصارت تنقل كلام لاخويا واخويا يتصل عليا معصب قلبته عليا وصار يقول لو سقط الطفل بسببك مره تضايقت من هذه الكلمة لان انا اهتميت فيها وفي الجنين كأنه ولدي لمن كانت عندنا في الاخير اسمع هذا الاتهام
تضايقت وارسلت لها واتس حسبي الله ونعم الوكيل طبعا استغلت موضوع الحمل ضدي وراحت لاخويا تقوله اختك تتحسب عليا والخ وبعدها بشهر تقريبا سقطت الله يعوضهم خير
قلبت اقرب اخواني عليا شفت منها الويل ... جاتني عقدة منها وقلت خلاص مابغى أشوفها غير في مناسبات رسمية ولا احتك معاها زي امي
الله مارزقني باخت ف كنت دايما اشكي وافضفض ل 3 من بنات خالاتي
وكنت ابكي عندهم كانو مفجوعين من اللي تسويه فيني ومتعاطفين معايا كلهم كانوا يقولولي ابعدي عنها وتجنبيها وانه ينخاف منها وكلامها سم وغيره
كنت أقولهم ان شاء الله ابعد عنها بس انتم طلعوني وونسووني ولا تحسسوني بوجودها
قالوا ابشري وصافين معايا
فجاة لمن زوجة اخوي رجعت مكه زاروها بيتها وصارو يقولون احنا نبغاها وهي طيبه بس انا اللي مانعتهم !!!
اخويا متزوج من 3 سنين وعمرهم مااستقبلوها في بيتهم بالعكس كانت علاقتهم فيها سطحية فجاءة حبوها من بعد مشكلتي الان معاها وانقلبوا عليا
رحت عاتبتهم وزعلت وقلت فين الكلام اللي كُنتُم تقولونه لي انكروا كل شي وكبرت المشكلة وبنات خالاتي يقولون خلاص انتي في طريق واحنا في طريق
كانت صدمة قاسية عليا اعتبرتهم مثل اخواتي باعوا العشرة عشان وناستهم الله يسامحهم
بس الحمدلله اهلي معي والله يعين 💔
الله ينصف كل مظلوم يارب 💔
دعواتكم ..