محتاجتكم اخواتي للي تعرف ايش معنى الاعراض الي معايا

السلام عليكم

جمعه مباركة





اتمنى تكونوا بصحة و عافيه

انا مرة تعبانه الله يصبرني بدا معايا التعب يوم الاربعاء من الساعه 7 الصبح جاني صداع فظيع في راسي كله و نزل كمان على اكتافي و بعد 6 ساعات صار جسمي يالمني و الصداع مستمر طبعا اخذت حبتين بندول ابيض و خف شويه بس حسيت راسي تقيل و طبعا انا معايا كحة عشان معاي ربو فبحس بكتمه خفيفة فاحتاج اكح و على الساعه 12 الظهر في نفس اليوم اخذ غفوة عشان ارتاح و صحيت العصر و برصه الصداع معايا فاطريت اخذ بندول تاني و خف شوية و الحمدلله الاكل كويس بس بدون نفس اجبر نفسي عشان اخذ ادويتي الي هيا دواء حموضة و داء الغثيان و نمت على الساعه 2 فجر الخميس صحيت على الفجر و برضه جسمي يالمني و احس اي حركة بالعافية و مرهقة تماما و طبعا نومي قليل بالكتير انام 5 ساعات و على الساعه 1 الظهر رحت لاهل زوجي و برضه معايا الم فاخذت بندول خف شيوة بس برضه مرهقة فنمتو لما صحيت جاني صداع خفيف و كنت طول الوقت مرمية على الكنب مني قادرة اتحرك من التعب الله يجزاها خير ام زوجي اعطتني موية زمزم و قريت على نفسي بس برضه كنت تعابنه لما رجعت بيتي ما صدقت انام بس للآسف صحيت اليوم و برضي تعبانه و ما ابغى اخذ بندول احس انه ما بيسويلي شي فمحتارة ايش فيه

طبعا شكيت ممكن انفلونزا بس لما قرات عن الاعارض انه يكون في حرارة بس الحمدلله ما عندي حرارة و ما في سيلان بس في ارهاق و صداع و كحة
و شكيت ممكن اخذت برد بس انا غالبا لما اخذ برض تكون معدتي و قلوني تعبان

فمحتاجة مشورتكم و دعائكم لي بالشفاء

و بفكر اروح طوارئ عشان اطمن

و آسفة على الإطالة

و الله يسعدكم دنيا و آخره