السلام عليكم
اخواتي مثل ماكتبت بالعنوان
اليوم قبل زوجي مايروح العمل قال لي وش بتلبسين قلت له لبسي المعتاد قال لي لا غيري ملابسك
قلت له ليش شايفني عارية والا لابسة لحد افخاذي ؟؟
استفزني بكلامه مع ان لبسي جدا عادي وساتر ومايخل بشئ
واهله واخواته واهلي كلنا لبسنا كذا
قام قال لي بتسويين اللي براسك روحي لاهلك
مو تمشيني على كيفك
المشكلة يابنات مو بسالفة اللبس متعودة على كلامة هذا
المشكلة بسالفة كل ماقال لي شئ او تناقشنا وماعجبه الكلام قال لي روحي لاهلك
تعبت من هالكلمة وتعبت من كثر مانا رخيصه عندي من ادنى شئ يقول لي روحي
واخرها الاسبوع اللي راح قال لي وانتي رايحه بيومك لاهلك اقعدي عندهم لين يجي السبت
والله يابنات لو اقدر ارتاح عند اهلي كان ماسمحت له يهين فيني ويذل بهالطرد وقلة الاعتبار
اللي قاهرني اني صابرة عليه باشياء كثير ويصدمني باشياء كثيرة لو وحده غيري ماقعدت معاه وبرضة ساكته عشان مااخرب حياتي
والله ماادري وش اسوي
اكتب لكم ومو قادرة اشوف من دموعي
تعبت تعبت
ماادري اليوم اصلا يومي عند اهلي
اروح لهم واقول اني مانيب رايحه العزيمة عشان ماعاد لي خلق اروح اعصابي تعبااانه
وانام عندهم ولا ارجع للبيت بسبب كلامه
واهلي بيسألون ماادري اقول لهم انه قال لي روحي لاهلك
لو قلت لهم بتكبر السالفه
ولو جا وقال لاهلي بيتعذر بهالامور
اني قايل لها البسي شئ معين وماتسمع كلامي
وبيقعد يتبلى علي كالمعتاد
الحين يقول لي انتي رفلا ومنتيب راعية شغل
وماادري متى بتصيرين راعية بيت
وانا اكرف الويل ولا يعجبه
دايم يقول خدامة امي هي اللي تقوم بشئ
شكلها هي زوجتي مو انتي
والله طفشت من هالكلام لدرجة اتمنى امه تموت اليوم قبل بكرة عشان افتك من هالكلام وارتاح عشان يصير البيت لحالي ويعرف مين اللي يقوم به بالحقيقه ويناظره
ابدا مايحفظ لي عمل زين معاه
متحملة اشياء كثير منه ومن القعده مع امه وهواشه معي على امه
وبرضة مايبين فيه
حتى اهلي مايوقفون بصفي ابدا اذا جا عندهم يشكي مني
يقولون لي انتي اللي غلطانه وليش ماتسمعين كلامه
والله يابنات تعبت
لو القى مكان انحاش منهم اثنينهم مااترددت
زوجي مايبين بعينه عشرة 10 سنين معاه
ولا كاني حامل الحين بولده الثاني
ولا يراعي
واهلي ماقد ارتحت عندهم ابد
دايم هواش
وش رايكم اطلع من البيت ولاعاد ارجع اليوم
والا وش اسوي؟؟؟
تكفون لاتتاخرون بالرد علي
ماعندي الا كم ساعه وبروح لاهلي
ولو مانمت عند اهلي ورجعت البيت بالليل
ماادري وش اسوي اخذ موقف ولا اكلمة
لان احس اني ارخصت نفسي كثير ومالي وجه اني انطرد من مكان اكثر من مرة وارجع
احس ان كرامتي ضاااعت وهو صار يسترخصني
ريعان العمر @ryaaan_alaamr
عضوة جديدة
محتاجتكم الحين زوجي قال لي روحي بيت اهلك وانا مليت وتعبت اطلع والا لا؟؟/قديم
49
80K
هذا الموضوع مغلق.
لا تتركين الشيطان يلعب بعقولكم انا من رأي روحي لأهلك عادي وأرجعي بيتك
وفي يوم اذا روقتي انتي وزوجك افتحي معه موضوع ان كلمة روحي لأهلك كل شوي تزععجك وفهميه ان بنت الحمايل هي اللي تجلس ببيت زوجها وأذا طلعت من بيت زوجها تطلع عشان شي كبير مو شي تافهه بس خليه حوار بينك وبينه عقلاني مثل تطرحينها عليه على شكل اسئله هو يجاوب يعني من قناعته هو بعدين بيني له فعله انه غلط
يعني اسئليه وش رايك باللي كل شوي تروح لأهلها وتفشل زوجها عند ابوها وكلن يدري عن مشاكلهم طبعا مافي رجال يحب هذا الشي بعدين خليه مدخل تفهمينه بكل اللي بخاطرك
اسأل الله العظيم ان يصلح شأنك وزوجك ويسخره لك
وفي يوم اذا روقتي انتي وزوجك افتحي معه موضوع ان كلمة روحي لأهلك كل شوي تزععجك وفهميه ان بنت الحمايل هي اللي تجلس ببيت زوجها وأذا طلعت من بيت زوجها تطلع عشان شي كبير مو شي تافهه بس خليه حوار بينك وبينه عقلاني مثل تطرحينها عليه على شكل اسئله هو يجاوب يعني من قناعته هو بعدين بيني له فعله انه غلط
يعني اسئليه وش رايك باللي كل شوي تروح لأهلها وتفشل زوجها عند ابوها وكلن يدري عن مشاكلهم طبعا مافي رجال يحب هذا الشي بعدين خليه مدخل تفهمينه بكل اللي بخاطرك
اسأل الله العظيم ان يصلح شأنك وزوجك ويسخره لك
الله يعينك ويصبرك على ماابتلاك
المشاكل لابد منهاوهي ملح الحياه
وما راح تتحل اذا رحت لاهلك زي ما قلتي وبيوقفو بصفه فريحي عمرك واجلسي ببيتك افضل لك
وخذيه باسلوب رايق وطولي بالك وما بعد الصبر الا الفرج
وبعدين ورى ما تطيعيه وتحسسيه انه له كلمه ماشيه بها البيت يعني اذا هو شد انتي ارخي والعكس طاوعيه اذا هو معصب وناقشيه اذا راق عشان يسمع وجهة نظرك كلها
وكثري من الاستغفار وقومي اخر الليل ودعي ان الله يسخره لك
وعندك الدعاء هذا اذا كان معصب(اللهم الجمه بلجام من الجنه فجعله لا يرى ولا يسمع مني الا خيرا)
(اللهم يا مسخر القلوب القاسيه والعباد العاصيه والجبال الراسيه سخره لي)
المشاكل لابد منهاوهي ملح الحياه
وما راح تتحل اذا رحت لاهلك زي ما قلتي وبيوقفو بصفه فريحي عمرك واجلسي ببيتك افضل لك
وخذيه باسلوب رايق وطولي بالك وما بعد الصبر الا الفرج
وبعدين ورى ما تطيعيه وتحسسيه انه له كلمه ماشيه بها البيت يعني اذا هو شد انتي ارخي والعكس طاوعيه اذا هو معصب وناقشيه اذا راق عشان يسمع وجهة نظرك كلها
وكثري من الاستغفار وقومي اخر الليل ودعي ان الله يسخره لك
وعندك الدعاء هذا اذا كان معصب(اللهم الجمه بلجام من الجنه فجعله لا يرى ولا يسمع مني الا خيرا)
(اللهم يا مسخر القلوب القاسيه والعباد العاصيه والجبال الراسيه سخره لي)
لا تطلعين اختي
اتعوذي من ابليس ولا تعاندي زوجك
الله يهديلك ايه عليكي بالدعاء
وكثير مننا مابيرتاحو لبيت اهاليهم عادي
لاكن كبي عقلك
والرجال كذا اغلبهم عليهم طلعات وحنا علينا الطاعه
اختاري اوقات للنقاش وفهميه بدون عصبيه افكارك
الله يهديكم ويوفقكم
اتعوذي من ابليس ولا تعاندي زوجك
الله يهديلك ايه عليكي بالدعاء
وكثير مننا مابيرتاحو لبيت اهاليهم عادي
لاكن كبي عقلك
والرجال كذا اغلبهم عليهم طلعات وحنا علينا الطاعه
اختاري اوقات للنقاش وفهميه بدون عصبيه افكارك
الله يهديكم ويوفقكم
حاولي إن تجددي مثلاً في الابسك في كلمك معه حاولي أن تتقربي له اكثر وتعرفين زوجك إيش يبغ لاتسالين لكن فاجيه اغلب الرجال يحبون الحركات الجديده ولاتروحين لبيت أهلك اجلسي في بيتك لاتخربينه وعليكي بدعاء الله يسخره لكي ويهديه
الصفحة الأخيرة
وان شاءالله البناات يفدوكي