محتاجتكم بفقد صديقتي ... اثق برايكم خواتي
السلام عليكم ورحمة الله وبركاته
استغفر الله العظيم واتوب اليه
حبايبي بنات عالم حواء
اثق فيكم كثييير وبارائكم .. في منكم اللي بسني وفي منكم اللي بسن مامتي وفي منكم اللي مثل اختي الكبيره
عشان كذا مره واثقه برايكم وابي اخذه بشغله مهمه لي
لاني ماعندي اخت كبيره هي وحده ومتزوجه بعيد >_< وماما قالت لي براحتك وحبت تترك الخيار لي
بس انا ابي رايكم اللي دايم كنت اقراه واشوف الحكمه فيه بردودكم والله يكتب الخيره
انا تعرفت على بنت من احد المنتديات الراقيه ... كنت اقرا ردودها وتقرا ردودي ونرد ع مواضيع بعض ..كم شهر كذا لما صرنا تقريبا نعرف اراء بعض وافكار بعض .. بعدها ارتحت لها كثير وطلبت منها ايميلها رغم ان هذي اول مره لي اطلب وحده تجي عندي عالمسن وانا مااعرفها .. اول كنت اقول لا مو مره احس هالطريقه رح تكون من خلالها صداقه ناجحه لاني مااعرف البنات ع ارض الواقع فـبيصعب علي فهمهم وكذا .. بس مع هالبنت ارتحت لشخصيتها كثيييير
المهم اضفت البنت .. تعرفنا ع بعض اكثر .. مرت علينا ايام احلى منها مافيه ضحك ووناسه واستهبال وفوق هذا كله صداقه وتوافق حتى لو اختلفت ارائنا ..هالكلام نهاية شعبان تقريبا ..
بعدها بشهور حسيت البنت تغيرت علي .. ردودها علي بالمنتدى غير مو مثل اول .. وحتى بالمسن .. يعني مجرد شعور حسيته بس تضايقت .. قلت لصديقتي فقالت صارحيها وشوفي لو بخاطرها شي ومره وحده عشان ماتشيلين هم .. صارحتها وقالت لاوالله ماتغيرت ايش قصدك ؟ قلت لها اني حاسه من ردودها متغيره علي ؟ سالتها قلت انتي من النوع اللي يتحمس للصداقه فتره بعدين عادي خلاص ؟! قالت يمكن ليش لا !!
كلمتها هذي مرره قهرتني يعني انا معتبرتها شي كبير مره ساويتها بصديقتي اللي معي من الابتدائي ولا احد من اللي حولي وصل قدرها
بعد هالكلمه زعلت كثير تناقشنا وماوصلنا لحل .. بعد كذا رجعت هي ودخلت وبقت معي لاخر الليل لحد مااقتنعت انا وهي وانتهت السالفه .. انا اللي خلاني ازعل وبقوه هو جوابها على سؤالي .. وطلبت مني رقم جوالي واعطيتها وكلمنا بعض ..
انا فعلا تعلقت فيها بتسألوني ليش؟ أسرتني بطيبتها باخلاقها حسيتها مثل اختي الكبيره اللي اثق فيها وبرايها و في نفس الوقت صديقه غاليه ..
مرت علينا ايام صعبه وظروف ان كان انا اوهي .. كنت اجيها مهمومه بفضفض لها القاها هي مهمومه واخذ اللي بخاطرها ومااقولها وش فيني
مرت عليها ايام 24 ساعه معصبه وتطلع حرتها فيني وكنت استحمل وادري باللي تمر فيه لاني قد مريت بهالحاله ..
يوم طلعت بسرعه من المسن بسرعه وكأنها زعلانه لانها كانت تسألني عن شي و كنت محتاره اقولها والا اخلي السالفه لانها راحت ( السالفه عني انا ووحده من البنات ) هي عارفتها بس مستجدات فيها وكذا ..
المهم ارسلت لها ع الخاص بالمنتدى اشرح له السبب واقولها ظروفي وكذا .. هي كانت دايم تردد اني متغيره عليها ..
فسألتها اذا انا متغيره عليها ..
دخلت عالمسن سولفنا ثم سالتها اذا انا متغيره عليها وايش نظرتها عني من ناحية شخصيتي ( بحكم انا ماشفنا بعض وكنا متواعدين اشوفها بالجامعه )
قالت لي نظرتها عني .. حساسه جداااا >> فعلا ^_^
عنيده >> احيان اعند بس اذا كان رايي صح
وقالت مره واثقه من نفسك
من باب الفضول سألتها ع ايش بنت هالفكره لانها غالبا رح تبنيها من موقف
بس فاجأتني لما رفضت تقوله واصريت انا عليها وطولنــــا وقالت لي بتزعلين لو قلته .. وقلت لها معقوله انتي ماخذه عني فكره تزعلني ؟ يعني شي مو كويس ؟
بنات انا وربي شاهد علي مااحب اخذ عن صديقتي فكره سيئه لاني احس بكذا اني خنتها !! يعني مااتكلم لما تكون الصفه فيها وواقع 100% لا اتكلم لما تكون شي مو متاكده منه افضل اني اخذ الصوره الحلوه عنها واظن بها الظن الحسن ..
قالت لي لا انتي كذا تبالغين !!
المهم بعد حوار طويل قالت لي ... مبين من صوتك ؟ و لانك ماتقتنعين بسهوله ؟!
طبعا عرفت ان هالكلام تصريفه فقلت لها وش رايك استهبل عليك شوي واعلمك الثقه على اصولها
المهم واستعبط عليها قلت الاشياء اللي فيني بس باسلوب مبالغه مثل ماقلت لها ..
ومن ضمن ماقلت اني اعرف اخلي اللي قدامي بصفي >> قصدي اني اعرف اقنع ^_*
وردت واااااضح وهذي اللي بغيت اقولها وخفت ..
قلت لها طيب ليش رفضتي تقولينها شي عادي هالصفه الا كان انك تشوفينها شي مو زين >_< طبعا مايحتاج اقول اذا كانت تشوفها شي مو زين يعني كأني من النوع اللي اقلب روس الناس بسم الله علينا :30:
تقول انها اخذتها عني بعد سالفة الزعل الاولى لانها بالنهايه اقتنعت انها غلطانه بحقي يوم رجعت فكرت حست انها ماغلطت واني اقنعتها ماتدري كيف :p
قلت لها انا وربي مجرد صارحتها بس ماقلت اقتنعي والا انتي غلطانه !! صارحتها عشان اشوف لو كانت متغيره بسبب شي اخذ اللي بخاطرها
وطااااال الحوار بينا واتشعب لدرجة انها قالت اني احيانا امثل دور الملاك لاني مره نصحتهم بالمنتدى و انا وربي ما كان قصدي امثل دور الملاك مين بيعرفني اصلا عشان امثل !!!!
طول الحوار انا اتكلم بجديه وهي تتكلم باستعباط وترد باستهبال و كانها تبي تخسرني
خليت وحده من البنات تشوف المحادثه فقالت لي كلامها قوي انا مااقول لصديقتي اللي معي كذا !!
وانها كانها تبي تخسرك !!
واللي قهرني اكثر في بنت غلطت علي غلط كبييير وهي عارفه هالشي وكانت بصفي وبعدها البنت نزلت اعتذار بس عقب ايش عقب ماشهرت فيني بالمنتدى .. وهي كانت بصفي قالت اقلها ليش تشهر فيك .؟ وش دخل المنتدى لان المشكل كانت عالمسن ..
المهم بهالمحادثه كانت بصف ذيك البنت رغم انها اول ناقده تصرفها
بنــــــــــــــــات انا محتاااااره
لما مابغت تقولي يعني ماكانت تبي تزعلني .. وبس بعد باقي اسلوبها اسلوب استفزاز
انا حسيت اني ظلمت نفسي لانها لو كانت مصادقتني على ارض الواقع كان عرفتني صح :(
وربي سألت صديقتي اذا بي هالصفات والا لا !! رغم اني واثقه من نفسي بس قلت سبحان الله خ نشوف
وربي انها تمدحني وتقول ليت كل الناس مثل قلبك
بنات انا افكر ايش غلطت بحقها عشان تسوي فيني كذا !! انا يا ماجتني مهمومه وخففت عنها و ياما كانت توحشني واكلمها وهي مو كثير تكلمني بس يمكن ظروف مااظلمها
السالفه لها الحين يمكن 9 ايام
لا جت ولااعتذرت ولاحتى قالت خ نرجع
يعني المره الاولى احس مرره تضايقت مثلي لكن هالمره ماهمها وانا وربي ماكنت ابي ازعل لكنها وصفتني بصفات موفيني وصعب اي احد يوصف بها لو اغلى صديقه على قلبه وغير كذا حسيتها تستفزني
محتاجه رأيكم ؟!
مشتاقه لها لكن احس انه صعب نرجع اللي بيننا انكسر !! يعني مارح انسى ولا رح تنسى ولو حاولت انسى مااضمن انها هي تنسى
بنات انا من النوع اللي اذا حب الشخص تعلق فيه وعطاه مساحه كبيره من حياته و دايم اي مشكله او زعل بالنهايه لما اساويها مع صداقتي بالشخص اقول لا حرام توقف بطريق صداقتنا واخسر هالشخص مهما كان السبب
ايش رايكم ؟ المفروض اساسا لو بغينا نرجع هي اللي تجي لانها هي الغلطانه ... انا عادي لو اروح لها لكن مدري اخاف نرجع وتظلمني بعدها !!
يعني ادري البعض مارح يصدق بس والله فعلا اثرت علي هالسالفه وخلتني ماعاد اثق بسهوله :(
حاسه ان في احد بيسأل عن اعمارنا >_<
عمري 19 وعمرها 22 .. لاتقولون مشاعر مراهقه وكذا لاني حكيمه بشهادة اللي حولي وبشهادتها هي :35:
واخر شي اللي ترد علي الله يحرم ايديها عن النار ويكشف لها كربه من كرب يوم القيامه يارب بهالساعه
:26:
9
3K
يلزم عليك تسجيل الدخول أولًا لكتابة تعليق.
مااادري ااش اقول بس هي شكلههاماحبتك كثر ماحبتيها اوانها تعتبرها صداقه عابره والله اعلم تقبلي مروريمااادري ااش اقول بس هي شكلههاماحبتك كثر ماحبتيها اوانها تعتبرها صداقه عابره والله اعلم تقبلي...
معليش قلبي اوجعني راسي وماقدرت اكمل
بس الزبده نصيحه من قلب اختك الكبيره
اتركيها غير آآسفه عليها
والي يبيعك بريال بيعيه ببلاش
لك:26:
بس الزبده نصيحه من قلب اختك الكبيره
اتركيها غير آآسفه عليها
والي يبيعك بريال بيعيه ببلاش
لك:26:
ياحياتي انتي ياما شفنا ناس والعبوا بمشاعرنا
وصدقيني اذا هي تعزك ترجع لك
واذا مارجعت لك خليها تروح بطريقها وانتي ترى عطيتيها وجه وعطيتيها قدر اكبر من قدرها
والله جد ياما مريت بالحاله هذي بناس عطيتهن روحي قبل قلبي والنهايه تنسحب من حياتي بدون اي مقدمات ولاسباب والله تقهر
عادي ادري انه صعب عليك الحين تنسين لانك تعلقتي بها
للكن والله راح تنسينها وتضحكين على نفسك بعد
وبالنهايه ارفعي قدرك عنها طلعي الاشياء السلبيه فيها عشان تكرهينها
والله بترتاحين
وصدقيني اذا هي تعزك ترجع لك
واذا مارجعت لك خليها تروح بطريقها وانتي ترى عطيتيها وجه وعطيتيها قدر اكبر من قدرها
والله جد ياما مريت بالحاله هذي بناس عطيتهن روحي قبل قلبي والنهايه تنسحب من حياتي بدون اي مقدمات ولاسباب والله تقهر
عادي ادري انه صعب عليك الحين تنسين لانك تعلقتي بها
للكن والله راح تنسينها وتضحكين على نفسك بعد
وبالنهايه ارفعي قدرك عنها طلعي الاشياء السلبيه فيها عشان تكرهينها
والله بترتاحين
انتي عزيتيها اكثر منها او انك من النوع اللي تتمسكين بالوحده >وفيه ..او في شئ هي تضايقت او طبع فيك مو عاجبها كشفته بعدين ,اونها تدور الزلة عشاان تتركيها الله اعلم مابداخلها
تبين الصراحة مشكلة صداقة التلفون والمسن ماتحكي صح ماتبين الشخص على طبيعته امكن كلامه حلوو بس لسان ..
يعني اتركيها او طنشيها لاتقولي اشتقتلها وماقدر مع الايام بتتعودين صدقيني الايام بتداويك وراح تحسينها عادي والاحتي تتطري ببالك اضغطي على نفسك ’واذا احتجتي شئ اسالي ..باايوو
تبين الصراحة مشكلة صداقة التلفون والمسن ماتحكي صح ماتبين الشخص على طبيعته امكن كلامه حلوو بس لسان ..
يعني اتركيها او طنشيها لاتقولي اشتقتلها وماقدر مع الايام بتتعودين صدقيني الايام بتداويك وراح تحسينها عادي والاحتي تتطري ببالك اضغطي على نفسك ’واذا احتجتي شئ اسالي ..باايوو
الاميره الهادئه
والله مدري يااختي
تسلميلي ع المرور والله فديتك
:26:
شكلاته ساخنه
هههههههههههههه لبى قلبك لاوالله مومشكله اصلا حسيت اني كثرت بس عشان احطكم بالصوره
انا تركتها ومدري عاد وش بيصير
تفضلي :26:
انثى خياليه
مشكووره ياقلبي ع النصيحه
وتسلمي لي والله ع الرد :26:
غلاءروحي
صدقتي فعلا لاتكشف لك ولا تكشفك للي قدامك يعني في طباع شوي صعبه ماتبين الا مع العشره
مشكوره حبيبتي ع الرد
شرفتيني والله :26:
ضيم السنين
هههههههههههههههههههههه
اي والله ادري بس عشان تفهمون الوضع وكذا
فديتك ع هالرد وشسمه انا بعد حاسه كذا
تسلمين :26:
والله مدري يااختي
تسلميلي ع المرور والله فديتك
:26:
شكلاته ساخنه
هههههههههههههه لبى قلبك لاوالله مومشكله اصلا حسيت اني كثرت بس عشان احطكم بالصوره
انا تركتها ومدري عاد وش بيصير
تفضلي :26:
انثى خياليه
مشكووره ياقلبي ع النصيحه
وتسلمي لي والله ع الرد :26:
غلاءروحي
صدقتي فعلا لاتكشف لك ولا تكشفك للي قدامك يعني في طباع شوي صعبه ماتبين الا مع العشره
مشكوره حبيبتي ع الرد
شرفتيني والله :26:
ضيم السنين
هههههههههههههههههههههه
اي والله ادري بس عشان تفهمون الوضع وكذا
فديتك ع هالرد وشسمه انا بعد حاسه كذا
تسلمين :26:
الصفحة الأخيرة
تقبلي مروري