محتاجتكم شوي / جعلكم الله من عتقاءه.

السلام عليكم ورحمه الله وبركاته. 
انا عضوه مسجله لي فتره متابعه بصمت من خلف الشاشه بعض الاوقات ارد وبعض الاوقات اكتفي بالصمت بس لازم كل يوم اشيك ع الموقع باختصار الموقع والبنات الي فيه صار شي مهم الله يكتبنا من المتحابين بالله 
اليوم ياحلوات ابي اشرحكم وضعي عاد تحملوني ترا مالي الا الله ثم انتم عاد لاتقصرون وياي. 
انا عندي طفل عمره سنه وتسع شهور تقريبا والحين حامل اخر دوره كانت 27 / 5 الاول كان قيصري لان النبض ضعف. ويوم الاثنين الي طاف كان معي الم خفيف ورحت للدكتوره وبلغتني انه تقلصات خفيفه قالت طلق خفيف وركزت ع الاسبرين والدفستون واعطتني ابر كلكسان 40 ومعاها تحاميل سايكولوجست مرتين باليوم / الله يكتب الاجر وقالت ريحي مع انه انا مرتاحه والخدامه مو مقصره بس مدري شنو سبب التقلصات .
ابي اتطمن الوضع طبيعي هي قالت عايدي بس وش لزومه ذا كله المثبتات هل فيه خطر اجهاض لان لي تاريخ مع الاجهاض بنات بليز لاتبخلن علي بنصيحه او توجيه او خبره. وطلبتكن تدعون لي اني اولد طبيعي واقوم بالسلامه انا والبيبي. واعذروني ع الاطاله واذا فيه اخطاء سامحوني / ترا من الجوال اتصفح الموقع.