محتاجتكم لا تتخلون عني!!!!!!

آآآآآآآآآآآآآآآآآآآه يا بنات مشكلتي وايد كبيره وأحتاج مساعدتكم بالدعاء

أبيكم تدعون لي ولزوجي الله يهديه ويهديني وياه إن شاء الله

راح أقول لكم المشكله بإختصار شديد؟؟

أنا تزوجت من 6 سنوات وعشت أحلى سنين عمري مع زوجي في 3 سنوات الأولى وفي السنة الثالثة أنا حملت الحمدلله المهم إن صارت مشكله في حياتنا وهي
















إن زوجي بدأ يخوني في الفتره إللي كنت أقول له إني أعتقد أني حامل ،،، المهم ما بطول عليكم إنتهت هذه المشكله ولله الحمد وطحت بعدها في مشكله مثلها يعني مرتين خيانة بس بعد ولله الحمد إنتهت المشكلتين لأن الله سبحانه وتعالى قادر على كل شيء وما نفعني شي في المرتين غير الدعاء والله العظيم لأني ما خبرت أي إنسان بالموضوع المهم مشكلتي الحين شنو؟؟؟؟؟؟






مشكلتي إني صرت دائما أوسوس إن زوجي يخوني مع إنه تغير والله العظيم بس مو قادره أصدق أي شيء يقوله على طول أشك فيه وأوسوس إنه عنده علاقة مع وحده غيري وصارحته بهالأمور والله ما تتخيلون شلون أنا تعبانه من هالشيء ومتعبته معاي لأني على طول أسأله إنت وين؟ من وين ياي؟ وين رايح؟ مع من كنت تتكلم في التلفون؟ ؟؟؟؟؟ وتخيلوا ردة فعله شنو؟؟؟؟؟؟؟؟؟؟؟؟؟













على طول يجاوبني ويقول لي كنت في هالمكان أو مع فلان أو أكلم فلان وإذا تحبين تتأكدين تقدرين.....
تخيلوا والله إن يقول لي قدامك راح أتصل في فلان وبقول له أي شيء تبين يوضح لك إني كنت معاه!!!
بس بعد للحين مو قادره أصدقه ما أعرف ليش؟؟ الخوف من تكرار اللي صار مخليني على طول أشك في كل حركه وصدقوني حتى المرض صادني من كثر التفكير والوسواس وموعارفه شلون أحل السالفه


صدقوني يا بنات إن زوجي مليون مره يكلمني وآخر مره كانت قبل ليلتين تدرون شقال لي؟؟ يقول لي ترا ما في رجال يقبل على نفسه إن أحد يقول له إنت كذاب؟؟ حتى لو كان هالشخص زوجته وما في رجال زوجته تعايره على طول إنت خاين إنت كذا وكذا ويتحمل ترا لو ما أحبك ما صبرت على سواتك بس أنا مقدر إللي إنتي فيه وأعرف إن غلطتي هي اللي خلتك تصيرين كذا بس خلاص كل شي إنتهى وأنا أحبك ما أبي أخسرك!!!!!!!!!!!!!!!!!!!

تخيلوا إني بعد أحس إن الشك بيذبحني ،، حاولت أقرأ القرآن وأصلي لربي يفرج همي بس والله إني أحس إني وصلت لمرحلة من مرض النفس تبعدني عن الخشوع ساعدوني بدعاكم لي إن الله يبعد عني هالشك والوسواس والله يهدي زوجي وما يعيدها يارب.