محتاجتكم يابنات الرياض ... ارجوكم

الله يرزقك عليك بسوره البقره يوميا وصدقه يوميه لو بريال وقيام الليل والله كريم

اعرف وحده تمرخ ومشهوره بحي البديعه بيتها مقابل جامع الامير سلطان . انتي بأي حي؟

والله يخلف عليك توام عيال يارب

اعرف وحده جابت ولد بعد خمس بنات ويوم صار عمره 6 شهور توفى وربي عوضهم ...انتي رددي دعاء المصيبه { اللهم اجرني في مصيبتي واخلف لي خيرا منها } مامن مسلم يقولها عند المصيبه الا ابدله الله خيرا مما اخذ

الله يجزاك خير اختي المقداميه
انا ساكنه خارج الرياض والديره اللي انا فيها صغيره وكلن يعرف الثاني
وانا ماابي احد يعرف عني تدرين الناس وحكيهم ماودي اصير فاكهة مجالسهم الله يهديهم
ماعندي مشكله اجي الرياض اخر الاسبوع .. ياليت تحددين وصف بيتها بالظبط .. وجزاك الله الف خير
والله يسمع منك قادر ياكريم ويفرجها عليك ويرزقك الصحه والعافيه ومايوريك مكروه في غالي عليك يااارب

الله يرزقك

عزيزتي مين قاااااالك انو نزول الارحااااااااااام يمنع الحمل؟؟؟؟

معلومه غلط خالتي ومرت عمي كلهم عندهم نزول بالارحام وماشاءالله تبارك الله خلفو صبيان وصبيات


ممكن ماتنظفتي عدل ممكن فيك سدد؟


ع فكره انا عندي نزول بالارحام وقبل وقت الدوره احس بألم ولما تجي اموت من المها واخذ ابر رحت لحرمه شعبيه وشافتني

قالت عندك نزول بالارحام وعطتني علاج وفك هالعلاج السدد مع اني كنت ارقي نفسي ويارب لك الحمد رحت بعدها للدكتوره وسويت اشعة الصبغه للرحم قالت ماعندك سدد ولا نزول الرحم يمنع حملك

عطتني مقوي بعدها يارب لك الحمد والشكر حملت ماشاءالله تبارك الله

انتبهي حبيبتي مو كل ممرخه ممرخه

حتى الممرخه الي رحت لها قلت لها انو تسوي لي تمريخ ع اساس احمل لان فيني نزول قالت مايحتاج ولا تحسبين التمريخ زين وحذذرتني منه

وربي هذا الي حصل معاي وبتجربه شخصيا والله يشهد ع صدق كلامي

اتمنى افدتك والمعذره طولت عليييك

دعواتك لي ربي يتمم لي حملي ويثبت جنيني :(