محتاجه أحد ينصحني لوجه الله وربي يكتب لها الأجر

السلام عليكم أخواتي
والله تعبت من المشاكل التااافهه اللي أخاف انها تتجمع - ولا قدر الله- تؤدي الى ما لا يحمد عقباه
انا وزوجي متزاعلين من إسبوعين حاليا وكل واحد منا ينام منفرد في غرفه، انا في غرفتي وهو في غرفة الضيوف ولا نتقابل لا على سفره ولا نجلس في مكان واحد ابدددا ، انا ف الصاله هو فوق ، انا فوق هو بالطابق الاسفل وهكذا، ما شفنا بعض ابدددا
وكل واحد مكبر راسه عن مراضاة الثاني وباين ان هالحاله بتستمر، لان اللي يعرفني ويعرف مشاكل مع زوجي يعرف اني انا اللي دايم ابدأ بالصلح وانا اللي اروح له وابدأ بحل الامور اما عو فما يبادر بالصلح ابدا، وانا هالمره قررت اني ما اسوي مثل كل مره لاني زهقت من هالحاله
المشاكل بيننا تبدأ تااافهه ولا تسوى وفجأه تكبر لان زوجي من النوع اللي يدقق ويكبر المواضيع ويفصل وما يسكت الى ان يستفزني واغلط
يعني هو صاحب المشكله وهو اللي يغلط بالبدايه بس بصراحه انا عصبيه ويستفزني ويخليني اغلط وبدل ما يكون هو الغلطان انا للأسف بغبائي وتسرعي وعصبيتي اتشارك معه الغلط
وانا مقهووووه منه لانه يركبني الغلط وبعدين يطالبني انا بالصلح
اما هو ابدددا
انا ما اريد اروح اصالحه لاني تعبت وانا اذل نفسي له وهو متى ما بغى يرضى يرضى ومتى ما بغى يزعل سواها زعله
ايش رأيكم التصرف الصحيح مع هالشخصيه اللي مثل زوجي ؟