محتاجه إستشاره وحده عاقله وفاهمه بسرعه..

قولي مشكلتك هنا وشوفي أكثر من رأي واختاري الي تحسينه مناسب
بدون ذكر تفاصيل بحتة والله يعينك

إن شاء الله يساعدونك

عن ايش بالظبط ؟ لاتذكرين التفاصيل

تهاوشنا أنا وزوجي لسبب جدا تافه بس الغلط عليه لأنه كان نايم وأنا صحيت قبل بساعتين وسويت أكل وصحيه وما رضي يقوم وخليته على لأن دوامه من الصبح للعصر قلت خله يرتاح..
ورحت جلست بالمجلس وأغلب وقتي هنا بالمنتدى وصحي وجاني بالمجلس بس وقف عالباب ورمى جواله عباب الغرفه بكل قوته لدرجه إنه بيّن بالباب وجلس يسب ويصارخ علي ويقول الله يلعنك ويلعن هالجوال وقال وقال أشياء ما تنقال ومن ضمنها (يابنت الحراااااام)…
وبعدين قال جوالي إيش جابه جنبي(هو نام وجواله تحت المخده ولما لما صحيته شفت جواله جنبه بس أقسم بالله العظيم إني مو أنا اللي حركته ولا لمسته)..
وقمت وخليته ودخلت غرفه النوم وقفلتها علي ولحقني وجلس يقولي مع مين كنتي تدردشي وما رديت وبعدين قلت مالك شغل وحاولت أطلع من الغرفه بس كان يمسكني ويرميني عالسرير بقوه وبعدها طلع ..
وأنا قفلت ع نفسي وجلست أصيح ووقتها كتبت الموضوع وبعدها بنص ساعه يمكن جاني وفتحت له وعطول ضمني وجلس يعتذر ويقول أنا آسف وسامحيني وحاولت أبعد عنه بس ما خلاني وظل عندي يمكن أكثر من نص ساعه وكله يقول سامحيني وأنا ما رديت عليه إني سامحته ولا شي ..
بس والله العظيم تعبت من كل شي مو قادرين نتهنى بحياتنا..
وربي الكل حاسدنا على عيشتنا والكل شايفينا عايشين أحلى عيشه روحات وطلعات وتمشيات وسفريات أخرها قبل إسبوع كنت بتركيا وكل من شافني يقول ياحظك ويابختك تمشيتي وسافرتي وأنا بنفسي والله العظيم ما تهنيت كل شوي وحنا متهاوشين لدرجه مره قلت له لا وصلنا توديني لأهلي قالت شكلك تبي تسمعيها (قصده يطلق) قلت ياليت وبعدها قام راضاني..
زوجي فيه نفس من قبل ما نتزوج وحسد..
كثير كان نفسهم فيه قبل ما يخطبني (عمه وعمته حاولوا يزوجوه بناتهم ورفض)..
وأنا كذالك كثير كانوا يبوني قبل ما آنخطب لزوجي(لأن زوجي من قبيله ثانيه)
وربي تعبنا بحياتنا كل يومين والثاني وحنا متهاوشين وعلى أشياء ما تنذكر..

والله أناظر بوجهي أحس عيوني تورموا من البكي..