محتاجه اتكلم مع حد

السلام عليكم ورحمه الله وبركاته
انا احتجت انى اتكلم مع حد لانى مش لقيا حد اتكلم معاه كتير باحس انى باضايقه او علشان يخرجنى من اللى انا فيه فيحاول يقنعنى بعكس كده بالعكس بتتنيل الدنيا اكتر لانى مش قادره اتقبل نفسى زى ماهيه ساعات اه وساعات لا انا مش باشوف فى نفسى حاجه كويسه يعنى مثلا انا ساعات كتير بحس انى مش حلوه يمكن انا انفى كبيره وعندى سواد حولين عينيه وخطوط ومهما عملت علشان اخفيه بيبانوا اسوءوان انا مليانه ونفسى اخس بس معتش عندى الاراده
نفسى يكون ليه اصحاب كتير وحاولت انى لما ادخل الكليه اكون صداقات كتير منكرش ان قصدى مش انهم يكونوا اصدقائى المقربين ولكن كانوا مجرد معرفه يمكن يكونوا بيعلمونى كويس بس معرفش بيقولوا ايه من من ورايا اما اصدقائى المقربين بمجرد انى اتعرف على حد جديد واحس انى صديقتى اللى انا بدور عليها بانسى اصحابى القدامده غير انى ساعات كتير بغلط فيهم وباحتقر نفسى انا نفسى اكون لذيذه ومسليه علشان انا اصلا مبحبش انى اكون جد على طول بس اصحابى لما باكون باتكلم عن اى حاجه بحس انهم بيأدوا واجب ولما بنكون بنتناقش فى حاجه محدش بيسمعنى ولو سمعونى محدش بيحاول يعلق انا بحس كتير انى مملهيمكن ميكونوش قصدين بس اعمل ايه انا محتاجه حد يساعدنى لو سمحتوا
معظم الناس اللى يعرفونى بيقولوا عليه انى طيبه بس عصبيه بس انا بحس ان كلمه طيبه بيقولوها علشان هما عارفين ان مهما عملوا فيه انى هاسامحهم وانى انا اللى تتصل تسأل عليهم ولومتصلتش لفتره يزعلوا منى وكانى اجرمت فى حقهم بس ساعات بسأل نفسى هوه ليه محدش بيسأل عليه هوه انا مش مهمه عندهم للدرجه دى