أسماء :

تعرفين ايش المشكله ..انك عاطفيه ...وحييييل عاطفيه حتى سردك لتجربتك في العناية بأمك عاطفي جداً يعني مثلاً لما كنتي ترفضين توجيهات الممرضات بلبس قفازات أثناء تنظيف وغيارات امك ..ترى مايتعارض البر مع النظافه والإحتراز من العدوى ..وهي الله يغفر لها مريضة كبدي وبائي ..يعني حتى من باب النظافه والطهاره كان لازم تحترزين ..بس لأنك عاطفيه ..كنتي تحملين نفسك فووق مايتحمله الإنسان العادي وهذا سبب تعبك حتى لما عصبتي عليها وصرختي ودفيتيها لأنك عاطفيه مشاعرك ثايرة ..تتحملين بزياده ثم تنفجرين .. المفروض تقولين الحمدلله على ماكتب ربي ويجعل ماشافت أجر وكفاره ...ارتاحت بعد تعب ومعاناة ..وألم ..وانا ماقصرت معها الحين طلبتي الطلاق تدرين ليش لأنك عاطفيه بعد ..وتتمنين الموت ونهانا النبي اللهم صلِ عليه عن تمني الموت لأنك عاطفيه انتي مو محتاجه طبيب نفسي ولاعلاج لأنه بيدهورك وبتدخلين بدوامه جديده وهم جديد ... يعني كنتي متوقعه مايجي يوم وتتوفى امك وتتوفين انتي ...كلنا بنموت ولااحد بيظل ..وهذا مصيرنا الله يختم لنا بالعافيه أقل شي امك توفت وهي أدت رسالة الحياة عبدت ربها وربت عيالها وقامت أحسن مقام بمسؤولياتها حسب ماذكرتي لاتركت وراها طفل ولا رحلت وهي غضبانه وا ولادها عاقين فيها العاطفي إنسان يتمكن منه الشيطان بسرعه ..إنتبهي لنفسك عليك مسؤوليات وفي ناس لهم عليك حقوق وواجبات أمر الله ونفذ ولااعتراض تصدقي عنها ادعي لها ..تسامحي للناس منها هذا اهممم شي تسوينه لها اعتمري عنها ونفذي وصيتها ...وانتبهي لنفسك زي ماشفتي اخوانك ماعزوا امهم بمرضها لعشان بيعزونك بعد طلاقك الله يغفر لامك ويجعل ماشافت اجر وكفارة ورفعه لها

تعرفين ايش المشكله ..انك عاطفيه ...وحييييل عاطفيه حتى سردك لتجربتك في العناية بأمك عاطفي جداً...

حلمي الامومه :

الله يرحمها ويغفر لها ويرزقها الفردوس الاعل ويعوضها ربي خير عن ما اصابها اختي ضحكه سرور ياليت اقدر اتواصل معاك باي طريقه تحبين كلامك اثر فيني وبما اني امر بحاله اكتئاب وتعبانه من كل شي حبيت اسلوبك وطريقه نصحك للاخت هدى ، الشي اللى استغربته انك كررتي كلمه عاطفيه كثير هذا الشي اللى مخليها تعبانه ، انا عاطفيه حيل وما ادري صراحه اذا هذا له دخل بالحاله اللى امر فيها

الله يرحمها ويغفر لها ويرزقها الفردوس الاعل ويعوضها ربي خير عن ما اصابها اختي ضحكه سرور ياليت...