محتاجه افكار لحفلة مولود جاء بعد اربع سنين انتظار يوم الخميس هذا ساعدوني

اول حاجة مبروك و الحمد لله على سلامتك
احاجة التانية ما اعرف انتي من فين بس نحن في الحجاز بنعمل زفة يارب يارحماني
يعني ام انونو بتشيلوا ومعاها الأطفال حواليها يغنوا يارب يارحماني بارك لنا في الغلامي
وبعدين يوزعوا للأطفال الألعاب طبعا هدايا خاصة للبنات و هدايا خاصة للأولاد

انا بقولج الي في بالي و انت قرري
اول شي سوي طاولة هدايا تكون عند باب المجلس او عند المدخل .. حطي عليها شرشف ازرق فاتح -اي لون من الوان البيبيات- و حطي عليها مجموعة بلونات كخلفيه .. اي حد يجي يحط هديته هناك
ما ادري بتسوين مسابقات للحريم و الا لا ؟ .. سوي مسابقات تناسب المناسبه و جهزي هدايا للفايزات تكون مغلفه بتغليف خاص بهدايا البيبيات .. المسابقات مثل :
1- هاي تكونين من قبل طابعه اوراق على الكمبيوتر و مجهزتنها للحريم يحلونها .. تكونين مسويه جدول و حاطه في اسامي اغراض لاستعمال البيبي بس تكون ملخبطه الحروف و كل وحده اطلع الكلمه من الحروف
2- جيبي صينيه و حطي فيها اغراض مختلفه للبيبي اكشفيها لهم دقيقه وحده و بعدين غطيها و قوليلهم كل وحده تحاول تتذكر و تحط لسته بالاشياء الي كانت موجوده .. طبعا اكثر وحده حاطه هي الفايزه
و في مسابقات وايده طبعا
تكونين مسويه توزيع للحريم .. مثل شموع او عطور او علبة بخور .. و تكونين لافتنهم بشريطه زرقاء موصوله بورقه صغيره مكتوب عليها شي بخصوص البيبي
من غير الهدايا للأطفال
و من غير البوفيه الي اذا تقدرين زينيه بأشياء تخص البيبي مثل دباديب .. اي زينه مناسبه لها النوع من الحفلات

الف مبروك على البيبي ورائي انك تسوين شئ معقول ولاتبالغين
واهم شئ تصدقي شكرلله على نعمته والله يحفظه لك ويحميه من العين ويرزقك باخوان واخوات له يملون البيت اللهم آمين

باربي 3 مشكوره على مرورك يا عمري وحلو الاقتراح بس المشكله احنا عائله اغلب افرادها كبار يعني ما عندنا اطفال

السيده ماما مشكوره يا عمري على الافكار الحلوه والرهيبه بس ما ادري الوقت يمكن ما يساعدني بس على العموم الف شكر على جهدك

nm99 صدقتي وانا مثلك قلت ابغاها شيء متواضع

لكن الى الان ما ادري ويش احط اول شيء حنا راح نكون جمعة حريم وكلنا بزارينا كبار يعني ما راح تصلح فكرة مسابقه الاطفال او العابهم

ابي شيء للحريم من غير اسراف وعلى فكره احنا ترى عددنا مو كثير يمكن ست اوعشر حريم اللي ابي اعزمهم لان الحفله في البيت