أنصحك أختي أولا أن تتوكلي على الله ثم تروحي تجمعي كل كل كل الكراكيب اللي تقدري تستغني عنها ..والملابس اللي ماتحتاجيها..وخليها قاعدة أول بأول إتخلصي من القرمبع اللي ماله لزمة..سويلك دولاب عند مدخل المطبخ يكون تفصيله طولي عشان ماتضيق عليك..كمان إذا تقدري تفصلي سرر لعيالك وتسوي لها من تحت دروج تستغليها للنخزين كمان ..إستغلي أماكن للنخزين بدون ماتضيقي على نفسك مساحة البيت..
الدواليب رتبيها أول بأول وتخلصي من اللي ماله لزمة في الدواليب أول بأول برضه..
كل كاتغسلي الملابس لمن تطبقيها رتبي الدولاب قبل ماتحطيها فيه..عشان ماتتراكم عليك الفوضى..
حطي سلة زبالة في الصلة وفي الغرف عشان مايكون في أوراق أو مناديل مرمية عالأرض وتخرب المنظر..طبعا إذا كانوا عيالك واعيين لأن أنا ولدي صغير ومشاغب الله يحفظه خبيت سلة لزبالة منه عشان مايرمي فيها مفاتيح أو حاجات مهمة إلين يعقل إن شاء الله..


مكان نظيف ومرتب ومتهوي وريحته حلوة ومساحته صغيرة

أفضل وأحسن وأريح من



فيللا لكن مكركبة ومبهدلة وصاحبتها وسخة والكراكيب في كل مكان


بالنسبة للمطبخ أعرف وحدة مطبخها ماشاء الله لا قوة إلا بالله مطبخها على إنه صغير لكن مرتتتتب ماشاء الله..فيه الغسالة والفرن الكهربائي وفرن بوتاجاز كبير والعجانة وبرادة الموية والثلاجة ..وماشاء الله تمسح فرنها أول بأول وتخليه يلمع..
فلاحظت من زيارتي للناس إنه البيت المرتب وإن كان صغير فإنه يوحي للنفس بالوسع والراحة النفسية..
عكس البيت الكبير والواسع لكن تلاقي الكراكيب في كل مكان والغبرة والفرن وسخ والبيت والمطبخ والحمام ريحته معفنه على طول نفسك تنسد من البيت ولا يهمك إن كان واسع أو لا..


إجابتي لإستفسارك كانت طويييلة وشاملة أعتذر عن الإطالة لكن أحببت أفيدك وأي إستفسار عالخاص لأني يمكن أنسى أرجع للموضوع

ارمي الي ماتحتاجينه وخلي بس الاشياء الي تستخدمينها بس
كثره الكراكيب هي الي تحوس
حطي بقوقل مطابخ صغيره و لا شقق صغيره وخذي افكار للتنظيم للي تناسب شقتك
الرفوف بتساعدك جدا في التنظيم بما ان عندك المساحات صغيره