محتاجه حد يسمعني و يفهمني....اشوف الدنيا كبر خرم الابره

السلام عليكم....
اعرف اني اذيتكم......لان هذا ثاني موضوع لي اليوم......
لكن شو اسو ي من الغصه والحزن اللي فيني ما اعرف واين اطق بعمري.....
اللي اكبر من المشكله ......انك ما تحصلي شخص يفهمك و خصوصاً في محيط البيت....
وخصوصاً اقرب الناس.....
والله يا بنات الدنيا مسوده في و جهي و حاسه ان كل الابواب مسكره في ويهي....
ولا حد فاهمني والكل قاعد يلوم فيني في البيت.....ولا عندي غير صديقه وحده وحاسه انها مش مهتمه بي هالايام....انا عذرتها لانها مشغوله وكل انسان عنده مشاغل.......
لكن صعبه وايد لما ما تحصل انسان يسمعك......
أنا اعرف ان ما لي غير رب العالمين يسمعني.....لكن محتاجه افضفض......والله العبره خنقتني طول الوقت....من الحزن اللي فيني...تخيلو مطلقه من فتره قصيره من زواج عانيت فيه تعاسه و عذاب و ذل ما اتمنى اي مخلوقه تشوف اللي شفته .....زائد معانتي من السحر و الشعوذه اللي معموله لي.....وكلام الناس و الاهل اللي ما يرحم......اكتئاب ما بعده اكتئاب....وبعد في ناس لين الحيين تسعى لي بشر وما كفاها اللي صار لي...اذا .يبوني اموت والله إني دعيت على نفسي بالموت.....
لكن ما اقول غير حسبنا الله و نعم الوكيل في كل من ظلمني....من قريب و من بعيد....حسبناا الله و نعم الوكيل على كل ساحر و ساحره .....حسبنا الله ونعم الوكيل على كل واشي و نمام ....
اللهم اذا كان الموت راحة لي فامتني
اللهم ارزقني قبل الموت توبة وعند الموت شهادة وبعد الموت جنة اللهم ارزقني حسن الخاتمة....اللهم آمين
.يا عضوات عالم حواء ارجوكم ادعـــــــو لي دعوه صادقه بظهر الغيب.......
الله يفرج هم و حزن من يدعي لي بالخير يا رب....
وسامحوني اذا ضايقتكم بهمومي.....بس والله محتاجه افضفض