محتاجه حل

مرحبا بنوتات
صارلي متزوجه سنتين هو يحبني وانا بعد طيوب وحنين رغم مشاكلنا ماقد جرحني بكلمه بالبدايه مشاكلنا حب لاخوياه ولسهر والسفر معهم صح مو كثير بس اي فرصه تحصله يستغلها مع اخوياه او اي اجازه يقدمها اذا الدعوه فيها اخوياه مع اني اتمنى السفره معه او اجازه ياخذها عشاني مع تاخر حملي ثم اشترى بيت وكل راتبه يروح اقساط وجو اهله وخذو الدور التحتي وشاركوني بالدور الفوقي وماقدر يمنع شي رغم تدخلاتهم بحياتنا لين خلاص احس مو قادره اتحمل وطلبت الانفصال وصرت حامل حاولت اصلح الوضع بس هو حطها عناد وتزوج وماتفقو وانفصلو بعد شهرين ورجعلي وهو ندمان وانه بيعوضني ويهتم وانه فقد شي حلو بحياته رجعت وتغير كثير للاحسن بس احس للحين شي بقلبي مو متقبله رغم حبي له وفوق هذا للحين يحب يطلع ويسهر ولايحبني اطلع ولايطلعني والله ان العيد متعيده ببيتي كان عنده شغل ومسافر ورجع ثالث العيد ولليوم الشارع ماشفته اذا قلت محتاجه اطلع قال وين اوديك انا اشوف الناس بالسناب حديقه بر اشياء عاديه بس يحبون يطلعون مع زوجاتهم هو مايحب مو لاني ماعرف اسولف بالعكس هو يقول اكثر شي خلاني ماتقبل الثانيه انها مو فرفوشه ولاتسولف زيك بس هو يحب اجواء الشباب زيه وانا لاعندي خوات ولاصديقات وحتى لما حاولت اتواصل مع صديقاتي القديمات واطلع معهم عصب علي واهلي امي وابوي كبار اروح اسلم عليهم انام عندهم وكل اخواني اولاد ولايبني اطلع وديتك بيت اهلك اجلسي ببيت اهلك حاولت اخلق اجواء بالبيت اكشخ وملابس ومكياج واجواء افلام مسلسلات اسوي حلا وقهوه واتفنن بس زوجي بارد من هالاشياء بالاخير اطفش وقبل ساعتين قمت ونظفت وبخرت وسويت الحلا وكشخت قام اكل وطلع لصحابه وانا لحالي الشي الوحيد الي مصبرني اقول يمكن لاولدت وجاء النونو يملى علي البيت