محتاجه خدمتكم

حبيبت قلبي انت حتى ابي اعرف
اتمنى البنات يفيدوك

هلا اختي ..
هل إنتي شايفة حلى بهذا النوع من القوالب في المنتدى أو إنك شفتيهم اشتريتيهم للحلا ..
إذا شفتي حلا في المنتدى ابحثي عنه بأي مقداار انتي حاافظته في هالحلى ( بسكويت - كيك - كراميل - دريم ويب - حليب مركز محلى - ) يعني اكتبي اي شي ذااكرتنه بالحلى ..
وإذا انتي شفتيهم واشتريتيهم .. فأتوقع أي نوع حلى فيه طبقات ينأكل بالملعقة تقدري تسويه فيهم .. لإن شكل القوالب مسااحتهم تقريباً 3 سم أو شي .. قدميه مع ملعقة صغيرة للحلى ..

أما الصورة الثانية كإنها مملحة وله كاسات بغطاء .. ماعرفت للصورة عدل ..

اتمنى أكون ساعدتك..

عمري انا وحده مره سوت فيهم كيكه وفتتها ورصتها بالقاع بعدين خلطت كريمه الصفرا ودريم ويب وقشطه وصبته فوقهم ورشته بمبشور الشوكولاته وطلع روعه

هلا غلاتي ,,

بالنسبه لحلا الورده

انا سويتها بكذا طريقه واصلا اي حلا كاسات تمر عليك ممكن تستخدمينه فيها

انا حطيت الطبقه الاولى يسكوت اوريو طبقه وحده وشلت منو الكريكه كسرت الطبقه الثنيه وحطيتها في المكان اللي ماكفى البسكوت من هنا وهنا فهمتي ؟؟

الطبقه الثانيه 6 حبات كيري

ملعقتين جبن فيلاديلفيا

نستله صغير

دريم ويب

نصف كاسه مويه بارده

مذوب فيها 3 ملاعق حليب

اخلطيهم بخلاط ست البيت القديم وطولي وانتي تخلطينه

وزعيه ع الصحون


الطبقه الثاثله انتي وذوقك وتفننك

انا حطيت بعضهم الباي فيلننق بلوبيري حق التشيز كيك

وبعضهم رشيت كابتشينو وحبات هيرشي كيزز

يعني الامر متروك لك ياذوق










هذا الحلا للعلبه الثانيه

حلى الكاساااااااااااااااااات
واحد بسكوت شاي

ملعقة نسكافه

3 ملاعق نوتيلا

فنجال حليب بودره
كريم كارمل

دريم ويب

تحطينهم بالخلاط

ونصب المويه عليه شوي شوي لين ينخلط

ونصبهم بالكاسات تقريبا ثلاث ارباع كاس مويه

الطبقه الثانيه 6 حبات كيري +نصف علبة نستله اخلطيهم وصبيهم فوق الطبقه الاولى

وتزينيها بحبات المالتيزر او حسب ذوقك ...


ان شاء الله اكون افدتك يالغاليه ......

يعطيكم العافيه على ردودكم علي

أختي chord أنا شفت أنواع مختلفه من الحلى في هالقوالب بنفس المنتدى لكن لما بحثت عنهم ماحصلتهم

تسلمين أم عبدالرحمن ع طريقة الحلى الي عطيتنيني اياه