محتاجه دعائكم

السلام عليكم


بنات انا خلاص قررت اسوي العمليه رغم الخوف اللي بقلبي من انه تصيرلي عواقب من هالعمليه


بس انا من زمان وانا اتردد وخايفه بس تعبت من الانتظار والحين بعد مااستخرت اكثر من مره

ودعيت ربي اللهم إني أستخيرك بعلمك ، وأستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر خير لي في ديني ومعاشي وعاقبة أمري » أو عاجل أمري وآجله ، فاقدره لي ويسره لي، ثم بارك لي فيه ، وإن كنت تعلم أن هذا الأمر شر لي في ديني ومعاشي وعاقبة أمري او عاجل أمري وآجله ، فاصرفه عني ، واصرفني عنه، واقدر لي الخير حيث كان ، ثم رضني به


بنات انا بكره :time: بسوي العمليه الله يستر والله اني خايفه حدي خصوصا ان معي كحه قويه كيف بثبت وقت اضاءه الليزك

وانا اكح :44: مدري بنات اذا يضر او لا؟

بنات انا استخرت بس بديت اوسوس وشلون اعرف اذا العمليه خير لي او لا <<<<< بدى يضرب العقل تحملوني:44:

كثير حيروني اللي تقولي بعد الاستخاره بتحلمين في الشي اذا خير لك او لا

واللي تقولي بينقبض قلبك اذا جاء طاري العمليه وانا احترت وشلون اعرف سؤال غبي بس ردوا عليه

الله يخليكم مالي الا الله ثم انتم والله انا املي في الله ثم في دعائكم لي

ادعولي يابنات في هذا الوقت ان الله يسهل العمليه لي اذا كانت خير

واذا كانت شر يصرفها عني ماابي اخسر عيوني ولا ابي اخسر زوجي وبنتي

طلبتكم يابنات انكم تدعون لي يمكن وحده تجي دعوتها مستجابه

وبعد محتاره يقولون لي بعد العمليه اسبوع ماتجي المويه بعيوني اجل وشلون اتوضئ للصلاه

انتظر ردودكم اللي بتريحني وتشجعني