زى العنوان كنت محتاجه دولاب لبناتى وجزامه ومفيش مكان غرفه الاطفال صغيره وهتضيق اكتر
وكمان مفيش مكان للهدوم ومينفعش احطها في وسط هدومى شكل الدولاب هيبوظ وانا بحبه يبقي منظم اوى وكنت مصممه اعمل دولاب شيك وفيه رفوف كتير او دولاب اعلي الحائط بس برضوا الاوضه صغيره و جوزى مكنش عاجبه وبيقول الاوضه هتضيق اكتر واقنعنى بانى اعملهم جزء من دولابي واخصص كل درفه لواحد فينا واعدل الفكره علي حسب احتياجى
ودى كانت الفكره وتطبيقها وكانت فكره هايله جدا
وموفره ومنظمه جدا
دى الصوروالشرح
ومن فضلكم دعوه حلوه لزوجى ربنا يوفقه في امتحاناته ويشفيه
وانا كمان ادعولى يسهل حملي وولادتى ويرزقنى الولد الصالح
دى الدرفه اللى في النص خليتها ليا
وعملت 3 رفوف وتحتهم شماعه
اول رف للفوط والملايات اللى بستخدمها
والتانى والتالت لملابسي
والشماعه للعبايات واللانجيري
وفي كرتونه كنت نزلت طريقه تغليفها في موضوع سابق دى بحط فيها اللانجيري اللي مش نافع يتعلق والبديهات بلفهم رول ممكن تشوفوهم في موضوع ترتيب دولابي وتحت خالص رصيت جزمى صفين ورا بعض
اول درفه دى لزوجى قسمتها نفس التقسيم ورصيت اول رف للملابس الكره واللبس الكاجوال والتيشرتات
تانى رف الترنجات والبناطيل الجينز
والتالتالبلوفرات الشتوى
وعلقت الجواكت والبناطيل الكلاسيك والقمصان علي الشماعه
وحطيت ملابسه الداخليه في الكراتين اللى تحت
والجزم والكوتشيات رصيتهم صفين ورا بعض وهنا علقت الكابات فوق بعض وتحتيهم الاحزمه
باقي الصور في المشاركه الجايه واتمنى اجد تفاعل منكم وتقييم للموضوع انا تعبت جدا في تصغير الصور وتحميلها
وعلي فكره انا اللى عملت الدولاب محتجتش نجار عملت رفوف عند النجار وفكيت الرفوف القديمه والسدايب ودقيت وركبت في الاماكن المناسبه
نفس التقسيم
3 رفوف وشماعه
وتحت سبت غسيل مستغنيه عنه خليته للعب
والتربو خليته جزامه ليهم
وسبت من التربو لفيت ملابسهم الداخليه رول وحطيتها فيه
والكرتونه اللي علي جنب خليتها للتوك بتاعتهم