محتاجه رايكم

السلام عليكم ورحمة الله وبركاته.. عيدكم مبارك حبيباتي... بغيت رايكم في موضوعي... انا واختي ما احس ابد اننا خوات احسها تتهرب مني إذا جلست معها وسوالفنا ماتعطيني وجه ابد عينها في جوالها برغم مره بالشهر ازورها تنشغل بأي شي ماتجلس معي وإذا جيتها ومامعها شغل بس اسولف انا وهيه ما تعطيني وجه يا يعينها بجوالها يا تروح لزوجها المجلس.... بعد تغيرت واجد اول تقولي ايش أخذت ووين راحت ومشاركات مثل أي خوات وكذا.... هيه ماشاء الله معلمه وزوجها تاجر وحنا ع قد حالنا الحمدلله على كل حال وربي ما احسدها اختي ذا الله يرزقها من خيره.... بس هيه مدري ليش اذا احتجت مساعدها من اهلي واعطونا وعرفت قومت الدنيا ليش تعطونها وانا لا برغم هيا عارفه ظروفي وحالتي لكن إذا اهلي عطوا اي شخص ثاني عادي تسكت مدري والله ايش فيها برغم زمان ماقصرت معها يوم حنا مرتاحين وساعدتها في الدراسه... الله يهديها كنت قريبه مني واقدار اشتكى لها ع كل شي هالحين.... صارت مثل الغريبه اللي تخاف مني احسدها ويعلم الله اني اشوفها بنتي مو اختي حاولت أكثر من مره أفهمها احاول نرجع مثل زمان ابد تجرحني وتروح وكل مانجتمع بيت اهلي سوت مشكله معي