كوبونات الراقية تسجيل الدخول

دموع الورد 2000

محتاجه ردكم ساعدوووني

الأسرة والمجتمع •

السلام عليكم ورحمه الله وبركاته ..

راح اكتبلكم مشكلتي واتمنى تشاركوني بنصائحكم ومشورتكم

انا فتاه اماراتيه في اواسط العشرينات بلشت قصتي منذ 3 شهور تقريبا تعرفت على شخص من الجنسيه العمانيه بمصادفه غريبه وغير متوقعه عن طريق التليفون . المهم حاولت من البدايهان اقطع علاقتي فيع لاني بنت اصول ومحترمه وما ارضى بشي يضر بسمعتي بعلاقه يمكن ما يكون فيها خير ياغير ضياع السمعه والشرف ولكنه ظل يومين يحاول فيني يبغى يتعرف علي لانه حسب ما قال اني اختلف عن غيري من البنات المهم اني رديت عليه انه لو يبغى يتعرف علي وكان صادق في كلامه انه يتقدم لي ويخطبني فتجاوب معاي وبدأت علاقتنا على هالاساس عرفني على نفسه وانه شخص له منصب ومركز واصل وفصل قبيلته معروفه وعلاقاته متعدده في الامارات وعمان وسبحان الله طلع شخص لنا ( اقصد اهلي ) معرفه فيهم وبمنطقتهم وقبيلتهم بعد هو متعود يتردد ع الاماره التي انا ساكنه فيها .. ولكن الاهم من هذا انه اخبرني ان عمره 33 سنه ولم يسبق له الزواج استغربت في البدايه وشكيت في الموضوع بناءا على صوته واسلوبه في الكلام لكنه حاول بذكاء يوصل بأسلوبه بعد فتره من المكالمات لمستوى عمري فتلاشت الفروق المهم بمرور الايام فاتحت امي بالموضوع وهي بدورها بعد فتره فاتحت زوج اختي عشان يسهل عليه موضوع الخطبه عند ابوي وبحكم انه من غير جنسيتي واتفقنا انا وهو على بعض الامور مثل السكن وغيره وللحين الامور طيبه وبخد ذلك اراد زوج اختي وهو بالمناسبه رجل دين وثقه قام بالتحري عنه وهذه نقطه مهمه لا تهملوها ولا تعتمدون على كلام الشخص عن نفسه لانه مهما بلغت الثقه يبقى سؤال المحيطين فيه والمعارف شي اساسي وواجب .. المهم بالسؤال عنه تكشفت امور ما كانت بالحسبان طلع الريال متزوج وحاليا هو مطلق وعنده عيال لا بعد عمره يزيد ب10 سنوات عن العمر اللي خبرني فيه يعني طلعت شكوكي بمحلها ولكم ان تتخيلوا الصدمه والتفشيل اللي حسيت فيهم لكن الله ستر ومرت على خير بالنسبه لاهلي وبعدها انا قررت التأكد منه ومواجهته باللي عرفته لكنه للاسف انكر وليته وصارحني لكنه كان مصر ع الانكار واصر على معرفه الجهه المخبر هاو مصدر الخبر وانا ما خبرته وطلبت منه يحلف انه صادق فرفض فاضطريت اقطع المكالمه وقلت له يوم تكون صادق معاي ومستعد للمصارحه كلمني وع اليوم الثاني بعثت له رساله ومن ضمن ما كتبته انه ما لازم يهمش عائلته الاولى واطفاله لانهم هم الاساس ولمته ع عدم مصارحته ورفعت معنوياته ببعض الكلام الطيب لكنه ما استجاب ولا اتصل او حتى رد علي بمسج وعقب 3 ايام بعثت له مسج اقوله اني ما بتخلى عنه ماني راضيه فيه مثل ما هو بس الظاهر حجم الصدمه عنده كبيره ةاذكر انه قال لي بالمكالمه (غلط تسإلين عني من وراي وخلي الي خبروج ينفعونج) ع الاقل انا ما غشيته بشي وكنت انسانه صادقه معاه ومحترمه وما تفوهت بكلمه مني ولا مناك ومستعده اعيش معاه كيف ما كانت الظروف لكن للحين وتقريبا من 8 ايام ما في اي رد او تواصل بينا بالله عليكم شو تتوقعون عدم رده يكون هل هو محرج ؟ والا مصدوم من معرفتي هالمعلومات مع انه بديره وانا بديره لكن الي يسأل ما يضيع والله سخر ناس لناس واسمحولي ع الاطاله وادعولي بالصبر وتفريج الهموم .. محتاجه نصايحكم علها تخفف عني ؟

وجزاكم الله خير
4
431

يلزم عليك تسجيل الدخول أولًا لكتابة تعليق.

تسجيل دخول

lady needs
lady needs •
أكيد ماله وجه يرد عليك بعد ما كذب
والكذب يا اختي حبله قصير
ودامه من البدايه كذب عليك اجل وش نهايتها
أنصحك تبعدين عنه والله يرزقك بأحسن منه
زوجة زوجي الحلوة
زوجة زوجي الحلوة •
اللي هذا اوله ينعاااااااااااف تاليه
نصيحه لك اتركيه واللي فيه خير يجي البيوت من ابوابه ولو كان فيه ذرة خير ماكلمك تليفون وكذب بعد
وانتي نصيبك بيجيك ولو بعد حين لاكن لانتسين الاستغفار وكل تاخيره فيها خيره
** روآن **
** روآن ** •
يــــــآقلبي انتي يادموووووع الوررررد .. بسرآآآآحه انا مستغررررربه كيف رضيتي من البدآآآيه تكوني معـــآه علآقه عن طريق التلفووووووووون .. احس العلآآآقه من آسآآآسهآآآآ غلط ســـآآمحيني مابغى اقسى عليييييك بس مرره صعبه يخطبك ويسير زوجك وانتي عرفتيه عن طريق مكآآآلمه .. انتي يستآآهلك وآحد صريح وواضح ويعرف اهلــــــــك ..

وبسرآآآحه انا متعجبــــــــــه ترسلين .. لآلآلآ ترسلي ولآشي اداا يبغاااك بيجي ويخطبك من اهلك وانتهيــــنآآآ

الحقي نفسك وانسيه وطنشيه قبل ماتطوور العلآآقه وتخرب سمعتك ... انا مابغى اخووفك بس انتي عــــآآرفه من بدآآآيتها مكاالمه ويخبي عليك انو متزووج صعبه .. نـــآوي يتزوجك من ورى زوجتووو ومايبغى الخبر يطلع ...
ولآآآ كمان يطنشك فتررررررررره وانتي ترسليلو ومدري ايش ...؟؟

قلبي انا انصحك تنسي الموووضوووع اللي يبغى يخطبك يدل الطررييييييييييييق ~~~
عسى ربي يووفقك بحيآآآآتك ويسعدك ويطمن قلبك ويرزقك الزوج الصااالح اللي يستآآآآآآآآآآهلك ~