محتاجه ردودكم الجميله ي بنات 💜

موضوعي انا مطلقه وعندي بنت من زوج كان اللهم ي كافي مايدري عني ولا عن بنتي ولايصرف عليها المهم طالبته ب النفقه بعد الطلاق واجباري نفق عليها بعدها صارو يطلبونها اهل ابوها يبون يشوفون بنتهم انا مو ضد ب العكس عادي عندي بس من وقت الطلاق ماطلبوها لهم ٩ شهور لا اب ولا جده تسأل عنها يوم درو ان ولدهم دفع نفقه صارت تطلبها كل اسبوع وحنا نعطيهم بعدها اتوقع يوم برد الموضوع صار لهم اسبوعين مايطلبونها مو ذا موضوعي الاساسي الموضوع المستجد خطبني ولد خالي وهو مطلق وعنده منها منها بنت وولد طبعا ولد خالي جدا جدا عادي انا م احسه مو حلو وكل من شافه قال عادي ذا شي الشي الثاني هو بالدمام وانا بالرياض المشكله بنتي كيف بيكون وضعها ولد خالي موافق على بنتي بس قايل لاامي اهم شي لاجو عيالي عندي تعتبرهم زي بنتها انا ب اخاف الله فيهم ومستحيل احرم ام من عيالها بس المشكله تكمن ب اهل زوجي لو درو اني تزوجت وطليقي لا بينهبلون علي على موضوع البنت انا عارفه الحضانه بعدي تروح لاامي بس خايفه منهم انهم يطالبون فيها حتى لو طالبو بتصير لاامي وعلى كذا بتقعد عند امي بس انا ودي اخذها انا بنتي متعلقه فيني وانا بعد متعلقه فيها ادري عند امي بتكون ب امان بس انا ابيها معي بنتي عمرها ٣ سنوات صغيره والله قلبي يتقطع عليها طبعا ابوها مايدري عنها بس جدتها بيقعدون يغثوني كل شوي نبيها وهم اساسا مايدرون عنها من باب التنكيد علي طبعا العمر يجري وانا دخلت ال ٣٠ وماودي اضيع الفرصه مع ان ولد خالي مو ب حلو بس يعتبر عادي كنت اتمنى واحد فوق العادي يكون حلو شوي بس هذا نصيبي وامي تقولي طليقك كان مزيون ولعوزك وجاب لك الهم ولا عشتي عيشه هنيه من خذتيه ذا الي تقولين عادي مو بحلو مره يمكن يعوضك خاصه ان ظروفه نفس ظروفك طبعا انا اذا ربي كتبنا ل بعض بروح معه الدمام بس ودي بنتي معي اخاف اهل زوجي ينكدون فيني هنا اضطر اخليها عند امي بتطمن عليها اكيد بس انا ابي بنتي معي مره اشتاق لها ومتعلقه فيها وهي نفس الشي الله لايحرمنا من بعض ولا يجعل احد يفرق بيننا يارب وش السواه ارفض الزواج ذا بكبره ولا اوافق واخليها عند امي ولا هدى وبرد الوضع اخذها لانهم هم مب حريصين حيل بس كيف اصبر المده الي اكون مخليتها عند امي والله ب حيره واخاف يظلون منكدين ولا تبرد سالفه زواجي الثاني عندهم وكل شوي يغثوني وان اخذتها يجيهم الغلا الزايد هم يحبونها اكيد بس مو ذاك الحب والحرص عليها محد يدري عنها الكل طفشان بس هم كذا احس من باب النكد علي م ادري والله ايش رايكم وش الحل انا في حيره من امري الله يسعدها ويوفقها ويفرج همها الي ترد لي ولاتنسوني من دعواتكم 😔♥️