روح اميري :

هل تتوقعين ان المشاعر لها وقت وخلاص الزوجه تصير صنم لاتحس ولاتبي هل المشاعر محصوره على المراهقات! بالعكس اللي عند المراهقات لخبطة هرمونات واندفاع ماله اساس من الصحه اما صاحبة القصه تقولك عمرها ٣٠ قمة نشوة المرأه توها تبدى من الثلاثين وهي بأول عتبه من هالمرحله صاحبة القصه الله يحنن قلبه عليك ويسخره لك اكثر واكثر يارب .. مشكلتك الغربه اولهم انا عايشه بغربه و٢٤ ساعه زوجي معاي نطلع ونجي جميع وفاهمتك لما نروح اجازه لديرة اهله وينشغل مع الشباب قرايبه احس بفراغ كبييير بس هذا مو غلطته غلطتي انا اني خلقت السعاده بعيوني هو وبس .. حاولي تشغلين عمرك لايصير مركز الكون انشغلي بحياتك وخلي لك جو .. واذا حسيتي تبينه معاك وهو مشغول سوي لك جو جلسة قهوه مرتبه وتعالي عنده وابدي سولفي وحاولي تدورين سوالف هو يحبها شي مشترك فيكم لجل مايمل بتلقينه يتفاعل وخليه يحب هالجلسه ويشتاق لها وعن الامور الزوجيه البحته لو انتي مقصره حسسيه انك مشتاقه له وترغبين فيه بقوه بتلقينه ينجن عليك .. يحبون يحسون المراه تبيهم مثل ماهم يبونها مو بس تجاملهم لاطلبوها عن الهدايا شوفي الشعب اغلبه جاف وفاقد الشي لايعطيه بادري .. انا كنت اجيب وهو حبه انه مايقولي لا بأي شي ابيه لكن كنت اطمح انه يصير يهدي مثل اول .. فصرت اهديه مره واثنين وبعدين اقول ( عقبالنا ) بضحك ينحرج ويهدي واحسسه بفرح كبيييير حتى لو الشي مو على ذوقي بس عشان يتعود والحمدلله رجع افضل من اول تدرين وش كان عذره واصدقه انا ( انه ذوقي مايعجبك ) لما فكرت هداياه اول حبيسه الادراج والرجال طلعوا يلاحظون بس يسكتون الحين رازه هداياه شوي والبسهم جميع هههههههه الاكيد بادري بادري وكل شي تبينه اطلبي مو مرضت وصار وجهي اصفر ورحت لاهلي و و الرجال مايعلم الغيب ووش فيك بدون تتكلمين صارحي وطالبي وعاتبي وخوذي وعطي بس خليك ذكيه ومو نكديه واشبعيييه مشاعر بينعكس عليك اتمنى لك حياة سعيده

هل تتوقعين ان المشاعر لها وقت وخلاص الزوجه تصير صنم لاتحس ولاتبي هل المشاعر محصوره على...