السلام عليكم
صباح الخير عليكم جميعا
بنات من يومني صغيره وانا اسمع ان اللي يتصدق ربي يعوضه باضعاف
وكنت اسمع حديث مانقص مال من صدقه
وماحسيت بهالشي فعلأ الا لما صارت لي هذي الظروف اللي بذكرها لكم
تزوجت قبل ثلالث سنوات وكان حالتنا الماديه سيئه جدا
يعني والله احيانا نغطي اكلنا واحيانا مانغطي
مرينا بظروف صعبه جدا
لكن زوجي فيه صفه حلوة حتى لو مامعنا الا عشره كمصروف لنا ومعتمدين على هالعشره
اخيانا يطلع يصلي ويرجع جيبه فاضي اعرف انه تصدق بها
الله يسامحني كنت اتضايق لنها حيلتنا هالعشره كنت اقول ربي قال تصدقو بس مو بكل شي
كانت هذي قناعتي الله يغفر لي
ومع ذلك كانت تتدبر امورنا بشكل عجيب احيانا اروح اصلي واسجد شكر لله كيف تيسرت امورنا مأدري
اللي صار كنا مره بالسوق
وجمعيه انسان (الايتام)
كان لها ركن هناك رحنا وزوجي كان حاب يعطيهم مبلغ بسيط على قد قدرتنا يعني
ولقينا مطويه عن كفاله يتيم بميتين ريال شهريا
وكان تحتها مكتوب بين قوسين انا وكافل اليتيم كهاتين طاحت عيونا على الحديث
وناظرنا بعض على طول وعرفت انه بيكفل وكانت هذي رغبتي برضه
وفعلا من الله علينا وسوينا استقطاع شهري ميتين
ومن بعدها تغير حالنا
وخلينا هالموضوع سر بينا وبين الله
لكني رغبت لكم الخير من اللي صار معي وشفته بعيني
تخيلو كان كل حيلتنا 800 بالشهر وتعرفون كيف غلا المعيشه وصعوبه الحياه والان بفضل الله يزيد يعني فائض عن مصروفنا وعن كل شي حوالي4000
زوجي ماغير عمله ولا سوى شي
بتسالوني ايش صار بقولكم مدري
لكنها التجاره الرابحه مع الله
الحمدلله الذي بنعمته تتم الصالحات اللهم اني اعوذبك من زوا نعمتك وفجاءة نقمتك وتحول عافيتك وجميع سخطك