انا رايى انه الماديات دى اخر حاجه تفكرى فيها
بس برضه متخليش الحب يعميكى لازم تفكرى كويس فى اخلاقه ودينه وطريقه تعامله مع الناس ومع اهله وهل شاريكى ولا لا
ده اهم حاجه
لان الانسان الكويس فعلا ميتعوضش ابدا ابدا
اهم حاجه تكونى مقتنعه بيه كانسان حيقدر يحميكى ويقدرك واخر حاجه تفكرى فيها الماديات
المهم يقدر يفتح بيت وخلاص
انا والله كان متقدملى ناس كتير فى وقت واحد وكان فيهم اغنياء كتير بس دى كانت اخر حاجه افكر فيها واخترت اللى المحترم المتدين اللى ابقى مطمئنه على نفسى معاه مع ان احواله الماديه اقل واحد فيهم على الاطلاق والحمد لله انا مش نادمانه ابدا ابدا بالعكس كل يوم بحس انى محظوظه اكتر انى احسنت الاختيار بس على فكره انا لسه مخطوبه بس معنديش ادنى احساس انى ممكن اجى فى يوم واندم على اختيارى ده
مع اننا مكناش نعرف بعض قوى قبل الخطوبه بس انا سعيده بيه . مش مهم نروح نتفسح فى اماكن غاليه ممكن ناكل بطاطا فى الشارع ونبقى بنضحك وطايرين من السعاده لاننا كفايه اننا مع بعض:55:
مع ان انتى المفروض تتمسكى بيه اكتر لانك بتحبيه فعلا . اما انا حبيته بعد الخطوبه مش قبلها :27:
بس كنت عايزه اسال سؤال انتى مصريه انا حاسه ان معظم اللى ردوا مصريات انتى وحواء2003 وعيون احمد وحبيبه عائشه . صح ولا انا غلطانه؟؟؟على فكره انا كمان مصريه

اهلا بكي حبيبتي الحب كدة......صدقيني طالما انك قنوعه هكذا...واخترتي من استراح له قلبك.....بعيدا عن اي مظاهر خداعه....فانشالله سيجازيكما الله الف خير.....وربنا يرزقكم بالخير الواسع انشالله

برافو عليكي انك عرفتي ان انا مصريه......احنا طريقتنا في الكلام بتبان علي طول......بس انا بحب اللغه العربيه عشان كدة بكتب بيها....وياريت انا وانت نبقي اصحاب...زي ماكتسبت من هنا صداقه عزيزات علي قلبي جدا جدا جدا..
ووالله لن انسي ابدا كل كلمه حلوة سمعتها منكك وانزلت علي قلبي السكينه..............الف شكر لكي "الحب كدة"

كهرمانه طلعتي مصريه كويس والله طلعت زيي في قصه الحب والجنسيه وعقبال ما تختميها باجواز زيي كده وتبقي في بيت العدل ونزغرتلك كلنا انت وفارس الاحلام قولي امين كهرمانه انت من القاهره ولا من حته تانيه سؤال ممكن ماترديش عليه لو مش عايزه اصل لو طلعتي من منطقتي حاكون فرحانه جداوالله ضحكتني عيون احمد علي ابداعاتها الادبيه اللي تسكبها في اذن زوجها وذكرتني بالذي مضي اه يا ولاد والله كنت شاطره في المدرسه ومن المتفوقين وامي وابي ينتظرون ان اصبح مثلهم طبيبه واعمل مع ابي ولكني فضلت الزواج ودخلت كليه نظريه مش اريح كده كده كنت حاقعد بالبيت يللا طولت عليكي بس طمنيني عليكي دايما

:26: :24: :26:

اهلا حبيبه عائشه...شفتي طلعنا من بلد واحدة ازاي.....انا من مدينة نصر... ياتري بقي انت ساكنه قريب؟؟؟؟؟؟
اكيد الواحد قبل المسئوليه بيبقي عنده هوايات كتيرة حلوة....بس بعد "الجواز"......بتختفي وسط الزحمه....وبصراحه برضه الجواز احلي...هاهاها.............

وربنا يسمع منك دعاؤك الجميل دة ويجمعني علي الانسان اللي بتمناه.....ويريح قلبك انت وزوجك....يااااااااااااااااااااااااااااااااااااااااارب....وخلينا نبقي نطمن علي بعض علي طول...بس ياريت تفتحي الرسائل الخاصه افضل.......شكرا ليكي كتييييييييير علي سؤالك ياحبيبتي

السلام عليكم


كهرمانه الحبيبه فتحنا الرسائل الخاصه يا ستي انا ماكنتش اعرف منين افتحها لذلك قولت اصلا مافيش حد حايعبرني وسبتها مقفوله يا ستي انا من الهرم بس مدينه نصر مش بعيده لان خالي وخالتي ساكنين هناك في عباس العقاد يعني احنا مش بعاد اوي وان شاء الله اما اروحلهم لا اجدك في بيت ابوكي وانما في بيت العريس الغالي متجوزه وسرك هادي قولي امين الله ييسر لك كل امر عسير:26: :26: