محتاجه لكم قبل لا اوهق نفسي ويطلقني

السلام عليكم انا يابنات متهاوشه مع ابو الشباب لي من يوم الاحد السالفه ومافيها كنت عند اخته ويوم طلعنا بكت بنتي على اطفالها تبي تبقى تلعب معهم قمت هاوشتها وقلت خلاص مشينا انا وبابا تمشين معنا وهو ولاقال كلمه ويوم احنا في السياره الا البنت تبكي وتبكي ضميتها وقلت ياماما خلاص بكره نجي عندهم وتلعبين الحين بتروحين معانا للبيت ومن هالكلام وهدت البنت الا شوي ويصارخ علي انتي اللي ماتعطينها من حنانك تخلينها تحتاج غيرك وانتي وانتي وانتي وكلام وش كثره وارتفع صوته فجاه والله يابنات مافيه شي يستاهل
وغلط علي يوم رحت البيت كان يبيني وانتوا فاهمين قلت له توك مخاصمني وتبيني اجيك

خذت فراشي ورحت غرفه ثانيه وسكرت على نفسي ويوم كامل ماتكلمنا مع بعض بالليل البارح رحت اكلمه ابي نتفاهم لان الشغله تافهه قال انا زوجك تسمعين كلامي غصبا عنك لو اقول لك طبي بالنار وبالنهايه قال انقلعي غرفتك (لانه يكره هالحركه اني انام بغرفه وهو بغرفه لو بيننا اكبر مشكله مايحب احد يطلع برى الغرفه ) دامك ماتبيني انا ماابيك للعلم يابنات والله هو يحبني وطيب معي بس في لحظات ينرفزني وخصوصا مع بنتي لاتضربينها لاتسوين لها


المهم قلت خلاص طلقني قال يصير خير اطلعي الحين لان الشيطان بدا يلعب براسي قلت له ايه ابيه يلعب براسك وتطلقني ماعاد ابيك خلاص وانا والله يابنات اقولها من ورى قلبي لاني احبه واموت فيه واول مشكله تصير بيننا كبيره يعني الباقي مشاكل بسيطه هذي المره الوحيده اللي نطول زعلانين وقلت له اني بكلم اخوي يجيني جيت الا جوالي مافيه رصيد رحت قلت له بكره تجيب لي بطاقه وللحين مو راضي يجيب لي بطاقه يقول اذا تعوذتي بالشيطان قدرنا نتفاهم وهو اصلا يدخل البيت ياخذ غرضه ويطلع 3 ايام على هالحال كيف يبغاني اتفاهم انا وياه


بنات مدري تصرفي صح والا خطا بس والله نفسيتي زفت وماني عارفه كيف اتصرف ساعدوني