محتاجه لكم يابنات حواء ... ساعدوني

انا بصراحه تعبانه في حياتي وقلت مافي غيركم اثق فيهم افضفض لهم ويساعدوني في حل مشكلتي :( :(

انا اتزوجت وعمري 20 سنه زواجي كان ولد العم لبنت العم ماكان في مجال اني افكر اذا بوافق والا لان في كلتا الحالتين اهلي موافقين ومايقدرون يزعلون عمي وافقة بدون ماافكر في اي شي كان فب بالي الملابس الجديده وفستان العرس ويوم العرس ابدا ابدا ماخطر في بالي ليلة الدخله شو بتكون او حياتي بعدها كيف بتكون مافكرت اني لازم اهتم في ريال كان في بالي الاهتمام في الريال ان ملابسه اتكون جاهزه ونظيف غرفته اتكون مرتبه اكله يكون جاهز هذا كان كل تفكيري وانا اكبر اخواني مااعندي بنات عم او بنات خال اكبر مني متزوجين اشوفهم او افهم حياتهم الزوجيه كيف حتى ربعي يمكن انا اول وحده من ربعي المقربين اللي اتزوجت وعلاقة امي وابوي كانت بارده يعني مافي حياة عاطفيه يعني يعبرون عن الحب بالتصرفات مش بالكلام بديت حياتي الزوجيه بدون اي معلومات خلفيه عن الحياه الزوجيه او حتى غرفة النوم لدرجة اني حتى ماكنت اعرف كيف يكون الجماع بالمره ادري بتقولون لي عمرج 20 سنه مب صغيره بس مثل ماقلت لكم مافيها اي تجارب قريبه مني بديت حياتي وياه بكل برود ولاني تعبت في اول ايام الدخله وصارت لي التهابات وكنت احس بالالام صرت مااحب المجامعه وكنت اتعلث باي شي راسي بطني بس عشان مااسوي شي وهو كان بارد وايد وياي يعني مايسالني عن شي ماايهتم فيني لانا كنا في بيت اهله مااتغير عليه شي طول الوقت عندهم برع واذا دخل في الليل بس يبغي يرقد ماسافرنا ولا حتي طلعنا في اول ايامنا وبتنا برع مافهنا بعض ولا حتى عرفنا بعض اذا طلعنا ساعتين ثلاث نحوط فالسايره ونرجع البيت وبما انه يشتغل في منطقه ثانيه ماكن يرجع البيت الا الابعاء العصر ويروح الجمعه المغرب حملت في ولدي الاول وحياتنا مثل مااهي برود في برود مع زيادة مشاكل اهله على هذي الحاله زياده على البرود اللي كنا عايشين فيه انا من النوع الهادي اللي مايحب المشاكل ولا الضرابه يعني اي شي اتوقله لي مرت ابوه اكتم فخاطري واطنش بس اللي اتغير ادمان زوجي على الانترنت وحملت في الثاني والمشاكل اتزيد وزوجي يبعد عني اكثر لدرجة اني ولدت وانا في المستشفى كان يمر علي مره وحده في اليوم لمدة ربع ساعه بس وعقبها يطلع اقوله وين يقولي عند ربعي ورجعت ويلست بيت اهلي اسبوعين كان يمر مره وحده في اليوم وساعات وهو واقف مايلس مع ان بيت اهلي واهله بنفس الحوش وهو دوامه صار قريب يعني كل يوم فالبيت وبعدين اكتشفت ان عنده علاقه بوحده على النت وكان طول الوقت ايكلمها واطورت العلاقه للتيلفون فاتحه بالموضوع وقالي انتي قصرتي طلبت منه نطلع بيت بروحنا عشان نبدأ من يديد وفعلا طلعا واتغيرت صرت اهتم فيه ازياده البسله واتعدله واسوي كل اللي يبغيه بس هو مثل ماهو ماقطعت علاقته والحين كملنا ست اسنين من زواجنا وهو بعده مثل ماهو مايتغير سالته اكثر من مره انا مقصره في شي ايقولي لا اني اتغيرتي وايد بس انا عندي مشكله وحده وهي الكلام الحلو انا مب متعوده عليه مع اني حاول وحاولت بس ماقدرت فكرت بفكره ثانيه اني ابداها بالمسجات كان اول مايطلع من البيت اكتب له الكلام الحلو وفي الوقت اللي قدرت فيه اقوله قالي انا احس اني اللي تكتبينه كله جذب مب من خاطرج حطمني بصراحه كليا مااتوقعت منه والمشكله انه بعده على علاقاته كلمته اوعدني انها اخر مرهوالمشكله ان زوجي مب من النوع اللي يعترف بغلطته يعني يقولي هذا بسببج اني اقوله صح انا كنت مقصره بس اتغيرت وانت اعترفت اني اتغيرت قالي بس انا مااقدر انسى الايام الاوليه طول الوقت اطلب منه ينسى الايام الاوليه ويخلينا نبدا من يديد بس مايوافق. :icon33: .. ساعدوني شو اسوي كيف اخليه ينسى اول ايام الزواج كيف اقدر اكسبه من اول ويديد كيف اخليه يبتعد عن اللي يسويه كيف اقدر اكسب حبه وقلبه واهتمامه فيني لانه مايهتم فيني بالمره اذا قلت له شي يعورني قالي انتي دوم تشكين ولا يوديني المستشفى اتعالج واذا قلت له ابغي اشتري شي قالي ماعندي انتي بغيت البيت وانا يبته لا تطلبين شي ثاني مع اني قعت في بيت اهله 4 سنوات واهو قبل العرس قالي اقل من سنه والحين اذا اتازم فالفلوس ايرد حرته فيني ويقولي بسببج مع انه عمري ماطلبت منه يشتري

ادري اني طولت عليكم بس بغيتكم اتشاركوني من البدايه عشان اعرف شو الحل وكيف اتصرف :( :( :(