* Um_ToTo * @um_toto

كبيرة محررات

محتاجه لله ثم انتم يا الغالين لا تردوني

السلام عليكم و رحمة الله و بركاته..

يا الحبيبات

ابي رايكم و مشورتكم

صار لي شي امس و قبل امس مع زوجي ... خلاني ماني عارفه وش اسوي عشان ارضييييييييييييه.. هذا وانا ما غلطت عليه..

تكفون طولو بالكم معي و ركزوا و عطوني رايكم.. ربي يوفقكم و يسعدكم و يهنيكم مع ازواجكم و ذريتكم آمييييييييييين

اول شي .. لو تذكرون قبل فتره جيت و بشرت بقسم الحمل ان مرت اخو زوجي حامل.. ووشكثر كنت فرحااانه لدرجة ان البنات ضنوا اني انا اللي حامل... اللهم آميييييييين

المهم هذا الكلام كان برمضان... و كان زوجي محرصني ما اقول لأحد لأن الحرمه توها و ما يبون احد يدري.. و فعلا ما قلت لأحد ابدااااااااااا غيركم انتم لأنكم ما تعرفونها اولا و ثانيا من فرحتي لازم اقول لأحد.. فقلت لكم دام انكم ما تعرفونها..

المهم..

بعد العيد بفتره قلت لزوجي تراي الى الآن ما باركت لها.. لأنك موصيني اني يقال لي ما ادري!!! قال لي راح اسأل اخوي و اشوف وش يقول..
المهم
سأل اخوه.. قال له ترى كل الناس تسألني عنك و عن زوجتك ما حملت؟ قال له.. لا خلص قل عاااادي..
جى زوجي و قال لي هاذا الكلام و طلب مني ابارك لمرة اخوه و فعلا باركت...

المهم..

يوم الأثنين رحت لبيت خالتي و كان عندها بنات عم زوجي... و بين السواليف بشرتهم بحمل مرة اخو زوجي.. اولا لأن زوجي قال ان اخوه يقول عادي قولوا ثانيا لأنهم أهل و لأنها بالشهر الرابع الآن..

يوم رجعت البيت و قلت لزوجي اللي صار معي.. و يثووووووووووووور :44: وشوي و يطقني و يصارخ علي:( بذمتكم انا وش سويت!!! هو اللي قال لي عادي قولي...

و يقعد يعطيني انواع المحاظرات و التجريح.. بعدين دخل و نام...

انا ما قدرت اصبر على زعله مع اني ما اخطيت.. جيت و كتبت له رساله عند جواله و قراها و يوم قام من النوم للعشاء.. كان يدلعني و شكله متحسف:32:

يوم صار امس.. كل الوضع طبيعي و لله الحمد.. يوم جى من الدوام جيت و قعدت معاه شوي بغرفة النوم و قام يسولف.. و يقول انه وشلون ثار على شي ما يستاهل اكيد ذي عين!!!! وله وشمعنى كل ما تجين من بيت خالتك يصير شي !!!!!!!! مع اني ما اذكر اني جيت مره من بيت خالتي و صار شي...

المهم..

بالليل قام و تعشى معي و يدلعني كالعاده..

بعدين قمنا نسولف و فجأه .. قام يعيد اسطوانه متعود يقولها لي اكثر من مره.. عن حفلة العرس و ان وان وان وان.. وليه وقت الملكه كان فيه اهلك كلهم لازم مايكون فيه احد.. هذا قلة سنع ما تعرفون بالدين :44: و انواااااااااع التجريح.. انا ما كنت اناظره كنت احوس بالجوال لأن اذا ناظرته راح ابكي...

يوم خلص كلامه قمت و رحت اكوي له ملابسه لبكرى..

بعدين كانت الساعه 11 بالليل .. و كنت لازم اكلم وحده عشان اسألها عن محاظرة بكرى بالجامعه"حنا فترة امتحانات" و انا ناااااااااااااادرا ما اكلم صديقاتي ماني مثل باقي البنات

بعد ما خلصت من المكالمه.. قال لي

فلانه تعالي... بنبره حاده

وشو الشي اللي مخليك تكلمين فلانه بذا الوقت!!!!!!!!!!!!!!!!!!!! انتي كذا تحرضينها تكلمنا متأخر:30: و هو يهاوش و ما يعطيني فرصه اتكلم

انا دخلت الحمام اتوضا و هو راح الفراش ينتظرني اخلص و اجي انام..
صليت و طفيت النور و جيت الفراش جمبه و حبيته على خده..

و يبدى يهاوش و يخانقني.. و الى متى هالعفويه اللي فيك .. انتي الحين متزوجه و المفروض تكبرين و تبدين تحترميني.. ياربييييييييييي و انا ما احترمه يعني:44:

و الله اني محترمته و شايلته فوق راسي و ما اطلب من ربي غير رضاه علي

جلست ابكي من القهر و احاول ما اسمعه صياحي .. و هو يقول لي ما في داعي هالصياح زقق فيك:44: "سامحوني على هالصراحه بس و الله من اللي فيني"

و عطاني ظهره و نام.. طلعت انا من الغرفه ما ابيه يسمعني ابكي.. و جلست بالصاله ساعه كامل و انا ارتجف و اصيييييييييييييييح.. لأن كل هاذا الهواش ما له اي سبب!!! وش اللي صار يعني..

بعدين رحت فراشي و نمت

يوم صار الصباح قام هو و اخذ دش و تلبس .. "حنا من تزوجنا كل يوم اذا جى يطلع يحبني و انا نايمه و يطلع..ماقد صار انه ما سواها" و قعدت اشوف بيحبني كالعاده و له لأ...

و لا حبني..:44:

بس انه صك باب الغرفه على كعادته عشان ما احس بالبرد!!!!!!!!!!!!!!!!!!!!!!!!!!!!!!

يوم قمت سويت البحث اللي علي للجامعه و ارسلته له بلأيميل عشان يطبعه و كلمته عشان اقول له اني ارسلته... رد علي بس كان شويه ناشف...

ابيكم تساعدوني.. ان كنت اخطيت بينوا لي .. و ان ما كنت وش السبب يا ترى!!!! و الله بمووووووووووووووت من القهر ليه يصير بينا كذا:06: حكمتك ياااااااااارب

يلزم عليك تسجيل الدخول أولًا لكتابة تعليق.

تسجيل دخول

بنت الحســــــــــن • 21 سنة

بسم الله الرحمن الرحيم
السلام عليكم ورحمة الله وبركاته
اختي بنت النور هدي نفسج وما اله داعي انج تعبين نفسج بالتفكير ويا حبيبتي اللي صار وياج مو شي غريب ولا شي مو طبيعي
شوفي انا بالنسبه الي كنت اسمع ان اول سنه او سنتين في الحياه الزوجيه تكون صعبه جدا لانج متربيه في بيت هو متربي في بيت كل بيت اله عادات وخصوصيات عاد بعدالزواج لازم تبدون تندمجون ويه بعض وهنا تبدي المشاكل طبعا انتي ما تعرفين شنو اللي ممكن واللي مو ممكن بحياته وحياه اهله واللي تتصوريه عادي وطبيعي يمكن مو عادي عندهم
انا بالنسبه اليه ما احجي لازين ولا شين واذا احد سالني عن اهل زوجي اكول كلهم بخير والحمد لله واسكت لا هذي حملت ولا هذيج ولدت ولا هذا راح ولا هذا اجه ورغم ذلك مرات يصير تصادم ومشاكل لما اكعد ويه نفسي احس انها تافهه وما تستاهل واحد حتى يعطيها اهتمام
انا نصيحتي الج اي احد يسالج عنهم كولي الحمد لله اي اسئله ثانيه انتي مو مجبوره تردين
بيتج اهم شي رضا زوجج مهم وهو الاساس في سعادتج الزوجيه
عادي كلهم يكولون انتي كبرتي ولازم تفكرين انج متزوجه وصار الج بيت وزوج غيري من تفكيرج
:cook:

بالنسبه للاتصال انا مرات اكوله يله اتصل حتى ما يصير مشكله لا سامح الله
بالنسبه للحسد من الاخرين هذا ممكن بس لا تحطين بالج يمه و حصني نفسج بالمعوذات دائما وربي يحرسكم
بس صدكيني هم يحبونا بس بعدهم مومتعودين على الحياه الزوجيه يعني ينراد الهم فتره واحنا بعدنا دلوعات بيت ابونا لذلك نتحسس
لا تتاثرين هوايه خليج طبيعيه لا تبجين ( عاد اللي تنصحج من اول كلمه تتذكر دلال امها وابوها والدموع اربع اربع )
يله ابجي حتى تريحين اعصابج
حبيبتي اتمنى اني افدتج وتره المحاضرات لازم نتعود عليها وانتي اذا كان عندج وكت هم انطيه محاضره خلي عندكم تبادل ثقافي هههههههههههههههههههههه بس لا تجرحينه
ما اقصد محاضراتج الدراسيه لالالالا محاضرات من اللي هو يحب ينطيها الج
يله حبيبتي هدي اعصابج وخلي طبيعيه وياه وصدكيني الايام كفيله انها تزيل كل المشاكل وراح تندمجون ويه بعض وان شاء الله رب العالمين يرزقنا الذريه الصالحه وربي يوفقنا باذن الله

:26: :26: :26: :26: :26:

حب الرمان • 21 سنة

شوفي يالغاليه ....
هذي شكلها سحابة صيف وتعدي ..... وصدقيني لو تقعدون هادين دايما من غير هواش
راح تملون .... يمكن هو متملل ووده يغير الروتين شوي .
وبعدين انتي شكلك طيبة زيادة عن اللزوم .... يعني ليش تتكلمين بشي مالك فيه دخل ( اسمحيلي )
يعني لا تخلين الكلام يطلع منك انتي خصوصا عند زوجك وأهل زوجك .
وايضا شكله وده تناقشينه ... وتجادلينه شوي ... بدليل انه يقول كبرتي وايش هالعفوية اللي فيكي ؟؟؟
لا تصيرين سلبيه ... كلميه وشوفي وش مضايقه طبعا بهدوء ووقت مناسب .
بس من رايي انك تخلينه فترة لوحده يراجع فيها نفسه ... يعني لا تكتبين أوراق ولا شي .. الا اذا شفتي
السالفة مطوله .

ومشكلتك ان شاء الله راح تنحل .. واعتبري اللي صار ملح الحياة .
الله لا يطيل شدة ان شاء الله .... ويديم عليكم السعادة ... ويرزقكم الذريه الصالحة .

أختك \ حب الرمان .

جنوبيه والنعم • 21 سنة

سلام ..

هلا عمري بنت النور ..

مادري شقول بس ما اقول الا شئ واحد الله يعينك ..

وبعدين يا قلبي لا تكبرين السالفه ..

وسعي صدرك انتي كل ها الزعل لانك توك متزوجه ..

بكرى تتعودين يا قلبي ..

يصير عندك كل شئ عادي :(..

<<<< اسألي مجربه :(..

انا لى سبع سنوات متنيله تعودت على كل شئ :(..

الله يعينك ويعين كل بنات حواءءءء ..

اللهم اني اعوذ بك من قهر الرجال ..

جنوووووووبيه والنعم

ام_مضاوى • 21 سنة

اختى بنت النور وسعى صدرك وهذى كلها بهارات الحياة الزوجية

ياما تهزائنا وبكينا وتحطمت نفسيتنا :06:

بس كل هالمشاكل بتنتهى صدقينى والحمد لله ان زوجك ما يشرب

او يظربك او غيره من الرجال اللى اعوذ بالله ما ينعاش معاهم انتى

بنعمة. زوج صالح والحمد لله وهذى المشاكل مو نهاية العالم لازم نصبر

وكل شى بالهداوةوالتفاهم بينتهى وحاولى تصارحينة وتفهمينة انك مو قاصدة

الظرر لمرت اخوة بس من فرحتك والله يعينك

الله يرزق اختى بنت النور بالذرية الصالحة ويفرح قلبها ان شاء الله يا رب

http://dammam9910.jeeran.com/images/ام%20مضاوى.jpg

* Um_ToTo * • 21 سنة

اختي بنت الحسن :24:
هلا و عليكم السلام و الرحمه..
حبيبتي كلامك صحيح حنا بأول حياتنا و مثل ذي المشاكل طبيعيه بأول الزواج.. بس انا ما اخطيت عليه..
ان كان على سالفة الحمل.. مثل ما قلت لك.. يوم صار بالليل .. قال انا وش جاني اكيد ذي عين و له السالفه ما تستاهل كل هذا.. بس المشكله هي ثورانه علي امس بدون اي سبب!!!!!
لكن بخصوص اهل زوجي.. صحيح اني احبهم و احترومهم واااااااجد.. بس تعلمت اني ما عاد ابين اهتمامي هذا قدام احد غيرهم.. و لا فيه داعي اني اتحمس و ابشر الناس عنهم...

تصدقين يوم جى من الدوام الا وانا متعدله و مسويه له الشوربه....
بس و لا شربها قال انا ما ابي تعبان و دخل ينام :(

مشكوووووووووووره حبيبتي على دعاك لي ربي يوفقك