محتاجه لنصحكم ،، ساعدوني ..!

السلام عليكم ورحمة الله وبركاته
كيفكم جميعاً اعضاء عالم حواء
والله اني اعتبركم مثل خواتي لان ماعندي الا اخت وحده وصغيره بروضه فمااقدر افضفض لها
قلت مالي الا خواتي عالم حواء وابي نصح منكم
انا لي سنين متزوجه وام الحمدالله رب العالمين
بداية مشاكلنا باول سنه هي ~> جوال
كنت افتش جواله والقى صور لبنات وفديو كمان مفصخين
واجهته قال اصحابه يرسلون له وانا بعيني قاريه كلامه يطلب من صاحبه انه يرسل له كمان
شدينا بنقاش ووعدني انه ماعاد يعيدها مره وخلاص
بعد شهور احفظ رقم وافتح جوال واحصل برضوا صور وفديو وارجع اواجهه هنا جلس يهاوش ليش افتح جوال وليش افتشه قلت له عشان اشوف مراهقة اللي عندك راحت ولا لسى لاني ماراح اجلس مع رجال عنده مراهقه متاخره يطارد صور فلانه وعلانه ياخي اذا ماجيت لك مثل اللي على بالك بيت ابوي محتاجني والله
وعدت هالمشكله على خير
ورجعنا لبعض
وبعد 5 سنين وكنت حامل وقتها رحت بيت اهلي عشان نفاس
لما رجعت اعجب بشكلي اني سمنانه وتغيرت
رجعت له بس كان ولدي مره الله يهديه معذبني لدرجة ماكنت اكل يعني اهم شي انه اذا نام نمت واصبر على جوع فرجعت ونحفت وغيرها اختبارات الجامعه ومذاكره وهو قعد يهاوش ليش نحفتي جسمك كذا ماعجبني وانا ماعاد حتى اهتميت بشكلي
حفظت رقم جواله ورجعت فتحته
حصلت له محادثه مع صاحبه يوم جلست احسب طلع كنت وقتها حامل بالخامس وانا عنده
صاحبه ذي متزوج وعنده عيال حتى
ومرسل له صورة حبيبته
واللي قهرني ان زوجي طالب من صاحبه صور لها جديده
هي الحرمه بيني وبينكم جسمها فوق الخيال
بس اللي حرق قلبي انه يتمنى يكون معها يبي على قولته يعطيها خلفي ~> انا اسفه على توضيح بس ابي تكونون على واقعيه اكثر وتحسون فيه
وجالس يمدحها مدح ماعمره قالي ابد
وغير كذا حصلت رقم بنت معه واجهته برقم البنت قال مادري انها حرمه ولما تاكدت عطيتها حظر وبعد ايام اكتشف انه وخر الحظر منها
وكان نفسي اواجهه بكلامه مع صاحبه يوم ارسل صور حبيبته بس ماقدرت تعبت لدرجة رحت للمستشفى
ابغى اعرف هو
ليش يسوي فيني كذا
ليش
من يوم تزوجته وانا مشاكلي مع جوال
يالصور
او مقاطع فديو
او ارقام بنات
والحين يقول لي بيسافر اجازة شهر 4 مع اصحابه برا
ودي يقول لي نفس عافتك ولا يلعب معي لعبه وسخه ذي
انا بهالاجازه رايحه بيت اهلي
ودي اقعد شهر عندهم ابغى نفسيتي ترتاح شوي وهو رافض
ودي اقوله عن كلامه مع صاحبه ولاني مصوره كلامه بجوالي كل مره ارجع اقراء احس صعب اني اجلس معه
هو قال لي قبل يومين كنا نتفرج لمسلسل وكان فيه لقطه ان وحده جالس تفتش جوال زوجها
قال هو لو تفتش ببلغ عنها واطالب بهالشي في المحكمه
فتعبت انا وش اسوي معه
مع اني والله احبه بس ماعاد فيني اتحمل اكثر من كذا معه
انصحوني ايش اسوي معه
الله يسخر لكم ازواجكم ويسخر قلب وعقل ازواجكم لكم ان شاء الله وجملكم في عيونهم ويبعد عنهم بنات ابليس يارب