محتاجه مساعدتكم

اذا انتي لونك من الاساس فاتح بس غمق بسبب الشمس فهذي سهلة ان شاء الله بس لو انتي سمرة من الاساس فما اتوقع ينفع فيها شي

شوفي بما اننا في اجازة يعني مافي شمس و لا شي خيسي في البيت و لا تطلعين في الشمس ابد!!
دهني جسمك بزيت اللوز المر مخلوط بشوي جليسرين سائل قبل الحمام بساعة بعدين اشطفي جسمك بموية دافية ولو عندك ساونا احسن و احسن .. خلي الموية على جسمك لمدة خمس دقايق .. بعدين جيبي صابونة البابايا (ما عندي صورة لها حاليا بس ممكن تستخدمين اللي فيها قطع يمدحونها البنات)
و فركي فيها جسمك ((بدون ليفة!!)) و بدون موية لين ما تحسينها صارت مثل الكريم و بدت تنشف .. خذي بعدين الليفة اللي انتي ناقعتها اصلا بموية دافية عشان تلين شوي ((انا افضل ليفة البودي شوب مو القفاز! لا الطبيعية)) و ابدي فركي جسمك برضو بدون موية فرك نااااعم يعني شوي شوي على بشرتك و بشكل دائري .. و اخيرا اشطفي جسمك بموية باردة عشان تصك المسامات

رطبي جسمك باي كريم تبينه بس ابعدي عن البيبي اويل تمااااما .. انا كنت ارطب بكريم دوف للبشرة الجافة .. هو ثقيل شوي بس يالللله يرطب بعد البابايا


Dove Intensive Nourishing Lotion

و ممكن تستخدمين جليسوليد احسن و احسن بعد (تقدرين تخلينه في الليل)

انا بخلال 3 شهور فتحت اكثر من لوني و انا ما كنت ابي هالشي كنت بس ابي توحيد لون ... (مافي احد مقتنع بنفسه)

و الله يوفقك في زواجك ان شاء الله .. اي سؤال ارسلي رسالة خاصة