محتاجه مساعدتكم

اللَّهُمُّ صِلِّ وَسَلْمَ وِبَارِكَ عَلَى سَيِّدِنَا مُحَمَّدَ ..

اللَّهُمُّ صِلِّ وَسَلْمَ وِبَارِكَ عَلَى سَيِّدِنَا مُحَمَّدَ ..

شوفي موضوع ام الذرابة ماشاء الله عليها عامله اشياء كثيرة للتفريز اذا عندك فريزر كبير سويي كميات منها يصير ماتشيلي هم لو جوك ضيوف فجاءة ماعليك الا انك تشيلي من الفريزر وتقلي

انا مثلك ماعندي شغالة وبنفس الوقت ماعندي فريزر لحاله لكني متفقة مع زوجي اذا بيعزم رجال يبلغني قبلها بيومين او ثلاثة حتى لوكان ماكلنهم او مومتاكد انه بيعزمهم مجرد انه نوى على عزيمة ... فاقوم انا اجهز ورق عنب وكفته وافرزهم واحيانا حتى معجنات رغم انه في الايام العادية اللي ماهي رمضان ما احط معجنات لانها ماتناكل الرجال عزايمهم يحبو الرز واللحم بس انا اشكل بسلة وحدة جزء منها سمبوسة بف وهذي اسويها بنفس اليوم وسبرنق رول ويكون مفرز وورق العنب مفرز بس اطلعه بنفس يوم العزومة من الصبح اطبخه لان حلاوته لمن ماتشيلي غطى القدر الا اذا برد عشان مايسود .. وكفتة دجاج بالبطاطس بالاضافة الى السلطات تبولة او فتوش رغم انهم يلعبو لعب احس الرجال مو مثل الحريم في السلطات احيانا اسوي بس سلطة لبن واقدم مخلل مع الرز ..

وبس تعالي بعد العشا وزوروني نسهر سوى في المطبخ اليييين الفجر واوعدك باحلى سهرة مع اطباقي الجميلة خخخخخخخ

^_^ موضوع عالجرح منجد
اكثر الحريم يعملو المعجنات والسمبوسه تفريز منجد يفك ازمات على قولهم وانا لسا ماجربت التفريز
خصوصا ضيوف الفجأه *_*
حابه اتعلم كيف اجهز من بدري

متابعه معاكي

التفريز مهم
اذا صار عندك فرصة فرزني
معجنات وكبه وورق عنب وسمبوسة وسبرنق

خلي دايم عندك بالفريزر اشياء تقدرين تطلعينها اذا جا لك ضيوف فجأه

وممكن اذا عندك عزيمه تجهزين المفرزنات لها قبل اسبوع

وممكن تستفيدين من الحريم اللي يبيعون مفرزنات


وانا لازم اسوي كشنة بصل وطماط ولحم مفروم كلها مطبوخه وجاهزة بالفريزر بحيث لو جيت اطبخ وانا مستعجله اخذ من اللي بالفريزر

حتى السبانخ اسوي الحشوة واذا بيجيني احد احط عليها الليمون والملح والفلفل الاسود والسماق واسوي العجينة العشر دقايق واحشيها
والبيتزا اسوي العجينه واطلع كشنة الطماطم اللي مسويتها واستخدمها

وممكن تقطعين بصل وتقسمينه باكياس لاختصار الوقت

عاد مو لازم تسوين زي الناس
لان الله لا يحب المسرفين