محتاجه مساعدتكم بخصوص نوم واكل بنتي..

السلام عليكم ورحمة الله..
بدخل في الموضوع على طوول......

بنتي عمرها 6 شهور
من بداية الشهر الرابع كنت اعطيها ارز ميلوبا لشهر الرابع وكنت اسويلها 120 مل وكانت تاكل 30 او 40 مل بس
لين الشهر الخامس بديت احطلها سريلاك او بسكوت داخل حليبها وما كانت تشرب من الحليب غير 10 مل وبالضرابه تشرب 20مل ..
في نص الخامس كنت اسويلها بطاطس مع جزر مع كوسا مع ارز ميلوبا مع شوي تفاح اسلقه واخلطه في الخلاطه ونفس الشي ما تآكل منه واايد
الحين بنتي في الشهر السادس ومو عارفه كيف انضم اكلها وشو اعطيها بالضبط وكم وجبه في اليوم
المشكله ان بنتي صغيره وضعيفه واهل زوجي كل يوم يعلقون على ضعفها وصغرها يابولي الهم..
والمشكله الثانيه والاهم النوم نومها خفيف ومتقطع يعني طول اليوم تنام ربع ساعه وتقوم ساعه وترجع تنام 20 دقيقه وتقوم والحين صارت تنام من الفجر لين الظهر بس كل شوي تقوم وارضعها وترجع تنام لين الظهر بس انا تعبت طول الليل وانا اقعد وانام واقعد وانام
حتى يوم اعطيها الاكل تصيح تريد ترضع علشان تنام ما ترضى تآكل ويوم تنام تقعد 10 دقايق وتقوم وتكون شبعانه لاني رضعتها ترفض الاكل..
انا وااااااااااايد تعبت لدرجة اني اقعد اصيح من التعب والارهاق واشوف بنتي صغيره واهل زوجي ما يقصرون يعلقون عنها كل شوي الحمدلله انها ما تفهم ولا بيعقدونها مسكينه..
ساعدوووني كيف انضم جدول نومها واكلها بالتفصيل..
الله يخليكم لاتبخلون علي انا وايد محتاجتكم..