محتاجه مساعدتكم تكفوون وضعي مزري

مرحبا خواتي انا عندي مشكله بسبب بنتي الكبيره عمرها خمس سنوات تحب الصيااح تصيح بس كذا بدون سبب ودايم تبغى تطلع دايم دايم وقسم بالله لاقامت النوم توها بفراشخا تقول يله يمه بنروح المول يله ودوني خير تونا قايمين بسم الله واسفهها واروح ازين الغداء تجي وراي على طول تزن وتصيح يله ودوني المول يله بسرعه ودوني وتقعد تزن وتصيح وتزن وتصيح ياربي رحمتك وش ذا وبعض الايام نطلع مول وبعد المول نروح مطعم وعساها ترضى لا تركب السياره تصيح عشان شي تاافه مايسوى ابد
قبل شهر قالت بروح مدرسه ودورت بالحسرخ لقيت دار قران صيفي وسجلتها هي واختها الصغيره بقسم التمهيدي وبرضو لازالت ترجع من الدار مو عاجبها شي هذولا قالولي هذولا ضربوني هذولا ضحكو علي مع ان مافيها شي ذكيه وتفهم مابها الا العافيه بس تحب تتغلق داااايم متغلقه ياربي لاتبلانا ولاتحسر بنا بعض الاحيان تصيح بدون سبب ولا على شي تاافه تقعد سااعااات ساعااات تصيح اخر شي يضربها ابوها فقعت مرارتنا كل شي تبغاه ينجاب البيت فيه غرفه خااصه كلها العاب لها هي واختها وتروح وتجي يوميا لدار لااخذتها مول ماخلي شي بخاطرها مااضربها ابد دايم حضن وبوسات وكلام زين البيت مايطفى القران فيه الحمدالله وابد ماكأني اسوي شي وعنييده عنيييده بشكل هبلت فيني قسم بالله بديت اشك ان البنت فيها نفسيه ولاشي
ولاشافت حريم بمول او عزيمه حتى لو مانعرفهم بدت تسولف وتتكلم وتجيب كل شي لهم اتفشل يابنتي اسكتي وش فيك وبعض كلامها يفشل تجيب خرابيط تقول الاولاد يضربوننا وحنا فقعنا عيونهم وضربناهم وما وي وشو والبيت طار ورحنا وخراابيط مادري وشي يعني الي يشوف سوالفها يقول مهبوله حتى بعض الاحيان اقعد اسولف معاها تطير عيوني وش ذا مافي سالفه صدق كله خرابيط واليوم قامت وطايحه بموال ابغى اسافر يله امشو الحين وتزن وتصيح دايم ضايق صدرره مستحيل تطلع معانا وتستانس وننبسط بالطلعه لا تخرب كل شي تقعد تمشي وتصيح كانها مضروبه ونصير فرجه للعالم بس يانظروننا واخر شي خلاص نطلع وتونا مالنا ساعه داخلين المول ولا المطعم وهكذا بس تعبت من غير اني وديته قبل سنه عياده مطمئنه وقالو مافيها شي ابد ذكيه ماشالله وسليمه وش الحل تكفووون