محتاجه مساعدتكم فى موضوع الاستخاره

انا ليا صديقة كانت مرتبطه بشاب وصلت صلاة استخاره بغرض انها تسلم امرها لله لو فيه خير لها يتم الموضوع على خير ولو مش خير يبعده عنها بهدوء بس هى كانت بتحس بمشاعر حب للشاب ده المهم انها صلت الاستخاره وبعد كده موضوعهم مشى بشكل ميسر اتعرف على والدها واقتنع بالشاب جدا ووافق عليه واتعرف على امها وهى كمان احترمته جدا والامور مشيت ميسره جدا ....بعد كده بدات تحصل مشاكل بينهم و صديقتى حست انها خلاص مش عايزه تكمل معاه وفعلا قطعت علاقتها بيه...... بعدها اتقدم لها عريس يعتبر قريبها من بعيد وهو شاب كويس وبرضه صلت استخاره وحلمت بورقه مكتوب عليها اسم العريس ده وحست بارتياح له وفعلا اتخطبوا بس بعد كده لقيت فيه صفات ازعجتها شويه وحست انها مش قادره تحبه وحصلت مشاكل بينهم وهى دلوقتى عايزه تفسخ الخطوبه بس المشكله انها دلوقتى رجعت تفكر فلى الشاب الاول اللى كانت مرتبطه بيه ........ وهى كانت بتسال هل ممكن واحده تصلى استخاره فى عريسين والامور تمشى ميسره فى الاثنين وهى مش عارفه هل ممكن يكون كان لها خير مع الشاب الاول بس هى ما صبرتش عليه او ما حاولتش تستحمله ...... الصراحه انا معرفتش اجاوبها وقلت اسالكم يمكن حد يفدنى وانا اسفه لو كنت طولت عليكم وشكرا على اى مساعده