محتاجه مساعدتكم يااخواتي

السلام عليكم ورحمة الله وبركاته
ماأدري ليه كتبت موضوعي في هالقسم يمكن ربي اراد لي الخير هنا بين هالوجوه الطيبه التي ادعوا الله ان يبيضها يوم تبيض وجوه وتسود وجوه

أنا والله ياأخوات متضايقه وبس افكر انا عندي بنت وتأخرت بعدها بالحمل وبعد فتره من العلاج حملت وسقطت وكنت حزينه لكن مو كثير وكان عندي يقين ان ربي راح يعوضني وبعد سنه حملت وفرحت وشكرت ربي وصمت رمضان وختمت القرآن ولله الحمد وجاء العيد وبعد بكم يوم فجأه سقطت خلال يومين وانهرت وبس اتذكر الجنين يوم نزل مني واناظر فيه واتقطع قلبي عليه والله يابنات بس اتخيله وبنفس الوقت خسرت عمل كنت اتمناه من زمان اتخطيت المحنه بالصبر ... انا مهمومه وافكاري ماهي مرتبه ماادري وش اسوي هل اعتمد على تفسير حلمي وكلام البعض وبعض القرائن على ان فيني حسد وعين واحتاج للرقيه أو انا مريضه وعلاجي راح يطول مع
ان التحاليل اللي الى الآن سويتها كلها سليمه .... اواجه ضغظ من زوجي واللي حولي واكره نظرة الشفقه من البعض ... تعبانه حيل والله محتاجه دعواتكم واستشارتكم
تصدقون دورتي هالمره استمرت معي خمسة عشر يوم ومع هذا عندي امل اني اكون حامل وبتوأم لاني احسن الظن بالله ......