محتاجه مساعدتكم يا امهات

السلام عليكم ورحمة الله وبركاته
ابني عمره سنتين و11 شهر حاولت تدريبه علي الحمام وعمره سنتين 
كانت تجربه فاشله و قطعها السفر ايضا بعد كذا حاولت فيه وعمره سنتين ونص
وبرضوه فاشله بس كان فيها شوي تحسن اكثر شي كان صعب في الموضوع 
عناده اعتبرت هذي التجارب تهيئه له وفعلا صار يعرف وعلي فكره هو ذكي ماشاء الله عليه
وفطين ويفهم ويتكلم بطريقه واضحه ومفهومه بس ماكان يطلب الحمام 
الحين انا رجعت احاول معاه بس هو يرفض الذهاب للحمام يرفض هالشي تماما
هو عارف ومتهيء لكنه يرفض واذا حاولت معاه وكلمته كان يهرب من يدي ويروح 
يتبول الله يعزكم في مكان يبعد مسافه صغيره عني انا حاليا حامل بس والله يابنات تعبت
مو عارفه وش اسوي معاه يرفض ويعاند مع العلم التجارب اللي فاتت كنت مطوله بالي عليه
لا ضربت ولا عصبت عليه كنت اكلمه وافهمه الحين هو يعرف يعني اذا دخلته الحمام بعد معاناه يتبول ويطلع
لكنه يسويها علي نفسه متعمد وليس عدم تحكم في عضلاته 
ساعدوني رجااااء خاص ابغي ارتاح من هم الحفاظات تعبني هالولد