محتاجه مشورتكم

السلام عليكم ورحمة الله وبركاته أسعد الله مساءكم بكل خير ...............
القصه اللي صارت لي ما كانت على البال ولا على الخاطر أنا من سبعه شهور استقدمت خادمه اندونيسيه لم يسبق لها العمل ودربتها وأحسنت معاملتها وأكرمتها وارتحت لها ومحافظه على صلاتها وبديت اعلمها على
امور الدين اللي تجهلها لأني في إجازه حاليا وتفاجئت في يوم من الأيام اشتكت من واحد من أفراد العائلة أنه يتحرش فيها وصدقتها ونبهت هذا الشخص وطبعا صدقتها لأنها تظهر أمامي أنها ملتزمه وطيبه مع اني أحيانا ألاحظ أنها تتميع في كلامها وضحكها خاصه لما أكون جالسه مع أحد من اقاربي الرجال المهم جابت الطامه لما قالت لي ان زوجي ايضا سوى نفس الشي أنا بحكم الثقه صدقتها ولما قلت لزوجي انصدم وحلف لي انها هي اللي تسوي له حركات وانه نبهها لو استمرت بيبلغني فسبقته واشتكت طبعا ولله الحمد وبفضل ربي انا مانهزيت قدامها ولاغير ت معاملتي له الله يخليه لي ولما قلت لخواتي عن المشكله قالوا احنا مستغربين ثقتك فيها هي مايعه مرررة وقالت لي الشغاله خلاص يامدام اذا انا اسبب مشاكل وديني للمكتب قلتها لا أنتي خلاص ماتتعاملين مع أي رجل في العائلة نهائي وناويه اراقب تصرفاتها لأن دوامي قررب وأنا تعبت من كثر ما خسرت في الشغالات وكل وحده تطلع بمشكله شكل وناويه لما اروح الدوام اوصلها قبل لبيت امي واذا رجعت اجيبها وما اترك اطفالي معها لحالهم مهما كان ونبهت كل اقاربي منها وانها تستدرج واذا حست بخطر قامت تولول وتصارخ الحين وش رايكم يا حوائيات تتوقعون مع ها لإحتياطات بسلم من شرها والله يكفينا شرها امين