محتاجه مشورتكم طلبتكم لاتردوني

السلام عليكم ورحمة الله وبركاته
انا توني متزوجه
وزوجي فيه اطباع ماحبيتها وودي اخليه يغيرها بس مادري كيف مثلا مايحب يشيل حوسته يمشي ويرمي وانا اشيل وراه حتى لو هو شي صغير مايحب يرميه بالزباله على طول بالارض وملابسة يحذفها بكل مكان وغير كذا المصروف  مايعطيني شي مخليني على حافز وجوالي اسددة احيانا واحيانا هو يسددة والزباله مايحب يشيلها اطلعها برا الشقة وتجلس يوم كامل يمر من عندها ولاكأنها موجودة لين اظطر اشيلها قبل كان يشيلها بس مودايم وهالايام ظهري يوجعني ماقدر اشيل ثقيل ومافكر بهالشي اليوم طلعنا وخليت الزباله برا قال ليش ماشلتيها قلت له ماقدر لان ظهري يوجعني وراح وجابها عاد المشكله يطلعها من باب اهله يعني كل اللي بالصاله يشوفونه
مادري انا مكبرة الموضوع ولالا
بس ابيكم تعطوني حل وشلون اعوده يشيل حوسته ويطلع الزباله عني لاني ماقدر انزلها اتعب من ظهري وغير كذا وش تنصحوني فيه من ناحيه الفلوس اخذ منه كل شوي ولا كيف واحيانا اجلس عند اهلي واطول عندهم وما اخذ منه فلوس مادري الغلط مني ولامنه يعني اذا نزلني عند اهلي اخذ فلوس ولالا لان احيانا احتاج اغراض من البقاله واخذ من اهلي هل تصرفي صحيح ولا غلط