محتاجه مشورتكم وربي في حيره من أمري ☹️

بقولكم سالفتي مع زوجي
انا زوجي ولعبه ببجي ادمان فضيع
المهم كم مره شفته يلعب مع بنات وكلمته وقلت وتهاوشت وزعلت وناقشت بكل الامور مافاد معاه !
يجي يبرر انهم مايهموني ! انا تهمني اللعبه ! اقوله لاتلعب معهم اذا فعلا مايهمونك وكم مره اشوف يلعب وفيه ضحك وسوالف طقطقه يعني ماشوفه ع الصامت معهم !
قبل يومين جالسه عنده وعادي فجاءه اشوفه يتبوسم ع الصامت واسمع صوت بنت التفتت عليه قال انها تدافع اني اقولهم متزوج ماقدر اسولف وترجعني تبي تنصح !
المهم اني ماعطيته وجه ابدا وزعلت قلت ماشره عليها اشره عليك اللي تعطيهم وجه !
وسفهته ماكلمه وصار يدورني ويحاول يراضي ومطنشه ! لاني تعبت من الموضوع
وكانو اهلي بكرابيطلعون استراحه واول مره يوافق بسرعه بس عشان يقاله يراضي
المهم الاستراحه قايله له قريبه على وصف اهلي يوم طلعنا طلعت بعيده مرررره انا بشمال الرياض والاستراحه طلعت بجنوب الرياض
عصب وتنرفز مره وصار مايكلمني وسافهني مثل مااأنا سافهته !
انا مطنشته عشان تعبت من موضوع اللعب والبنات ومقصر معاي كثير صاير يومه كله لعب وبس ومايسوي ولاشي لاطلعه لا نواقص ولاشي مره مقصر بحقي كزوجه ماحس بوجوده معاي وناستي طلعاتي مع اهلي !
بس صاير الحين هو يطنشني مره ولايتكلم معاي
وانا نفس الشي بس اشياء اساسيه تبي ؟ اجيب الغدا ؟ اجهز لبسه ماقصر بلبسه بأكله وكذا لاطلب شي سويته له بس اني ماسولف ولاشي


مدري انا محتاره ايش اسوي وصح علي معاملتي استمر اني اصير شبه رسميه معاه والتزم الصمت
خصوصا انه هو الحين مطنشني ويقاله مايكلمني !
والا اصير طبيعيه ؟ بس شلون ارجع طبيعيه ! مابي يحس انه كذا الوضع اني بزعل يومين ويوم صار هو مطنشني رضيت بيصير كذا بيخليني يومين لما ارضى من نفسي 😅
انصحوني وش الصح ووش المفروض اسوي ؟؟