محتاجه مشورتكم ومحتاره بصراااحه بخصوص مدرسه بنتي الخاصه ل اكمل معها ااو لا

السلام عليكم
بدخل بالموضوع على طول
اليوم وديت بنتي عند وحده مصريه اخذنا رقمهم من صاحب زوجي مدحهم لنا انهم يدرسون بضمير
تحمسنا وكلمناهم و وديت بنتي اليوم لها وجلست معها عشان اشوف طريقه التدريس وطريقه معاملتها للاطفال
بصراحه المكان يخرع مرره مره ويخوف بس قلت ماعليه يمكن ظروفهم صعبه
ماشاء الاطفال كثيرين عندها يعني الاقبال عليها كبير وشفت الاطفال يضمونها ويحبونها
بس في شيء مخوفني انها تصرخ عليهم واسلوبها مو طفولي احس كانها تدرس كبار
يعني مدري بنتي حسيتها ما فهمت عليها حرف جر وماحرف جر و ال التعريف
و ياء المد و واو المد اسلوب احسه مو للاطفال
وفي شيء ثاني بعد صراااااحه جلطني وخلاني اقدم رجل وارجع رجل
وهو في ام جابت بنتها وهي صغيره يمكن سنتين عمرها
اول اليوم عادي ساكته وامها اتصلت تطمن عليها وقالت بنتك بخير ماعليها شر ان شاء الله
بس بعدين شالت العماره شيل من صياحها ابي امي ابي ابوي وهي ما اتصلت عليهم ولا فكرت حتى تكلمهم
وقعدت اشوف وش بتسوي بحاولت تسكتها ما قدرت عليها البنت تبي اهلها بس خلتها تبكي وحطتها على كرسي وخلتها تبكي لين ما بح صوتها واصلا من صياحها ما عد عرفت تشرح حطت حرتها على الاطفال اجلسوا ولا صوت و تحاول تشرح ماعرفت من البنت قالت كلمه لها بصراحه ضايقتني منها كثير
قالت البنت ابي امي قالت امك ايه هي بتفيدني >>>>> >>>>لكم حريه الفهم
صراحه لمن قالت كسرت خاطري ابنت واخذتها بحضني واعطيتها جوالي تلعب فيه عشان تسكت وسكتها
ولاحظت ان صوتها عالي على الاطفال وتهاوش اذا غلطوا

مررررررررررررررررررره محتاره
قلت يمكن لاني موجوده ما اخذت راحتها وارتبكت
الاطفال يحبونها القديمين فقط بس تبع هالسنه الي مالهم الا 3 شهور لا عادي
بس القديمين مررررره يحبونها
هذا الي مريحني اكثر شيء لان الطفل ما يمثل ولما حست انها خبصت قامت توريني دفاتر الاطفال انهم صاروا يعرفون يكتبون ويحسبون


بصرااااحه بنتي ماعد تبي تروح لها بكره تقول تصرخ عليها بس بوديها لها واقول ان بنتي خافت من الصوت العالي وانك تهاوشين الاطفال الي ما يعرفون عشان تنتبه

بس الاسلوب مدري احس مو حق اطفال
قلت باخذ اسبوع تجربه ان عجب بنتي كملت وان ما عجب بنتي بطلت
وبغصبها على الروحه لهناك لنهايه الاسبوع



لان بصراااحه كنت قد سجلتها بروضه وصارت معي ظروف ومالحقت على السنه من بدايتها
والروضه الحكوميه اشترطوا اني موظفه عشان يقبلونها وتدريسهم مو ذاك الزود
وهذي رخيصه و بصراحه محتاجتها عشان كذا على عيوبها ببلعها لاني مضطره عليها
انا علمت بنتي الحروف والارقام وقصار السور
بس عند الكلمات بصراحه بنشرت معد عرفت اوصل لها المعلومه عشان كذا محتاجتها
وقد سويت اعلان هنا بالمنتدى اني بحاجه لمدرسه لبنتي بس محد اتصل على يعني مدري وش اسوي بصراحه

احترت من جد
انتظر ردودكم سهرانه ما وراي شيء غير هالموضوع شاغلني مره