محتاجه مشورتكن ياحوائيات بخصوص شغالتي

مسا الخير حبيباتي

اكتبلكم وانا مضايجه ماعارفه شو اسوي مشكلتي شغالتي أهي شغوله بس عيبه اللي ماقادره ابلعه لسانها .طويلة لسان مااقدر اسألها سؤال اللا بتاكلني أعطيكم مثال البارحه كنت بطلع وقلتلها تخبي بنتي عشان ماتشوفني فقالت خلاص بروح احممها قلتلها أوكي ودخلتها الحمام وانا قاعده البس عباتي سمعت بنتي تصرخ وتصيح وماسكتت ماقدرت اطلع كنت خايفه عليها رحت لها الحمام قلتلها شوفيها ليش تصيح قعدت تطالع فيني تخيلو شوردت علي

شو ليش تصيح ليش انت ماتعرفين عيالك لما يتحممون يصيحون ليش جايه تسأليني قلتلها واذا سألتك شو يعني انت ليش معصبه تخيلو ترد علي لا ماتساليني ليش تبكي مدام انت وايد مشكله انت خداماتك قبل كيف جلسة عندك والله وانا ميته قهر منها قسم بالله يبنات مدلعتنها دلع شالتنها على كفوف ألراحه كل الخدامات يقولولها ياحظك بالمدام حقتك وهذا اخرتها أطول لسانها
ظليت طول الليل محروقه منها وقررت أني أسفرها وقمت صليت ركعتين استخاره قبل الفجر والله يبنات أني مضايقه حيل الله يعلم أني ماظلمتها ولاقهرتها فشي بس مادري يمكن اسلوب التدليع اللي مارسته معاها عطى نتيجه عكسيه كل مابيي بكلمها فشي الا ماتسم لي بدني بكلامها استفزازيه بطريقه فظيعه
فالحين شورو علي أنا لين اليوم وانا فيني ضيقه موطبيعيه حاسه أني بنفجر للعلم أنا ساكنه بشقه وعندي ثلاث أطفال اصغر وحده عمره ثمان شهور شقتي موكبيره كلها غرفتين وصاله وحمامين ومطبخ قلت خلاص بسفرها ومابجيب خدامه واتفقت مع عامله تجيني ثلاث ايام بالاسبوع تساعدني وارتاح من همهم كرهتهم والله مافيهم خير شورو علي موعارفه كيف اصرف
أخاف اتسرع وبنفس الوقت مومتقبلتنها
انصحوني أرجوكم