محتاجه من يدعيلي ويواسيني قلبي مكسور

السلام عليكم ورحمة الله
بكتب لكم سالفتي وماخلاني اكتبها الا انكم نفس خواتي وابغى مشورتكم ..


بدايه السالفه زوجي من اول رمضان وهو موطايقني وجالس لي على الحبه حتى بعيالي اكلهم لبسهم نومهم المطبخ ليه كذا مع انه نظيف الملابس اول باول اغسلها كل شي ولا احب الاهمال بشغل البيت الا اذا انا مريضه المهم في اخر رمضان بعد الفجر اختي بالمستشفى واكلمها جاء يقول غسلي صحون المطبخ طبعا المطبخ فيه صحنين فقط تمر الباقي نظيييف قمت وانا اكلمها غسلتهم لحقني ومسك الجوال وقفله واختي تكلم انا سكتت وقلت حنى صايمين وشهر فضيل خلاص رحت بنام وقبل ماانام اقلب بالجوال واشوف وش بطبخ لفطور بكرا وكذا جاء وفتح باب الغرفه وسحب الجوال مني وقال عندك صور شباب قلت شوف اذا عندي صور اسحبه مني اذا مالقيت شي رجعه لان المنبهه و وقت ادويه بنتي كلها بالجوال معتمده عليه قال لا ماني مرجعه وبدحل الواتس اب اشوف محادثات خواتك انا هنا قلت حدك زي ماانا احترمك احترمني ورفض يعطيني الجوال وقام ضربني ضرب وسحب مني الجوال وقام يقول تجيبين رجال بفراشي وكلام قوي ويتفل علي وانا ماتحملت هربت و نزلت لاهله تحت وكلمت ابوي وجاء واخذني وعيالي عنده ابوي رفض ياخذهم يقول ابوهم ويتحملهم ..(مع اني اول ماكلمت ابوي دق على زوجي وقاله وش اللي صار بينكم قال بنتك وعطيتها عيديتها)ابوي انقهر منه مواا
و بعد اذا عيالي عندي مايسال فيهم ولا يصرفهم لين انا ادق عليه واقوله خلاص تعال خذنا ..طبعا من ذاك اليوم لليوم ماهو راضي يجي ولا يجيب عيالي ولا يبغى يتفاهم مع ابوي ..مع ان ابوي كلم اخوه الكبير وقاله يجي يتفاهم معي وياخذ حرمته.. لاكن الاخو الكبير صاف مع اخوه حسبي الله ونعم الوكيل ولا قدرت اتواصل مع احد ماعندي ارقام ابداً جوالي معه ..
انا نفسيتي تعبانه ابغى عيالي ..اهلي يقولون اصبري ولا تكلمينه ولا ترسلين له وانا على السب والاهانات اللي شفت منه نفسي ماتهون علي .. ولو رسلت اسال عن العيال بيقول رجعت ولا بيطنشني ...الله يعلم الله فوق مااخطيت عليه..
ابغاكم تصبروني او تدلوني على الحل ؟؟؟
قلبي منكسر على عيالي ابغاهم مشتاقه لهم اقوم بالليل ادورهم واجلس ابكي حسبي ربي