ربي يفرج همك ويعوضك بالي فيه الخير لك ولبناتك وتلاقي فيه خطط احسن من الي مخططتها للمكان الاول
الانسان يبتلى والحمدالله جاء ابتلاك بوقت وبيت واغراض مو بمرض ولا باشخاص

ركزي بالبحث حقك الحين وسلميه وربي يعينك خذي الامور ستيب باي ستيب لاتتسرعي فيها ونقلتك من المدينه مو شرط بتخسرين فيها كل الي عددتيه
الصديقات ماهم صديقات مكان واذا عن صداقه مكان بتلقين غيرهم بالمكان الثاني ولا تقولي ما اتكيف بسرعه ماتدرين ايش يصير وحتى المخططات لبناتك والباصات ماهو شي بهذي الصعوبه النت مايقصر بعد ماتخلصي بحثك بتلقين اماكن كثيره وارجع اقولك ماتدرين يمكن اماكن احسن من الي كنتي مخططه عليها لبناتك ويستفيدون منها اكثر .. لاتنسين ان رب العالمين مايقدرلك لا الي فيه خير لك ولبناتك فحاولي تشوفين الايجابيات بالخطوه الي بتسوينها ولاتقارنينها بالي راح خططك الي راحت كانت مجرد خطط بالهواء تبين وتبين وتبين لكن هل انتي متاكده انك بتسوينها لو جلستي؟؟
تضمنين الظروف؟؟
تظمنين ان بناتك راح ينبسطون؟؟
تظمنين ان الباص الي عارفته ومعتمده عليه بروحتك مايصرله شي ومايجي اليوم الي مخططين للطلعه؟؟

توكلي على ربك وماراح تشوفين الا الخير .. ربي يسخرلك زوجك وكل خلقه ويسعدك وين ماتروحين

وانا معاك بموضوع السفر .. سافري انتي والبنات غيرو جو وعن الفلوس الي متكفي وماتلقو سكن الخ الخ خططي انا مااعرفك لكن ماشاءالله عليك باين انك تعرفي تخططي وترسميها بالورقه والقلم
حطي الميزانيه ودوري على بيوت بالنت صح الشوف مو زي النت لكن هذي احتياط اذا صار زي ماقال زوجك ومالقيتو سكن .. اقلها هو يروح وباله مرتاح مو قلقان وبيخرب جو السفر والراحه الي كنتي تبغيه

معليش طولت عليك

الله يهديك يابيلسان كبيرها بتكبر أو صغريها وتصغر ,,
والله إني ماألومك وحااااسه فيك .. واللي مريتوا فيه تجربه مو هينه بس طلعتوا منها بسلامة أرواحكم
وهذي أكبر نعمه اشكري الله عليها ليل نهار
بس أنا لاحظت إن كل الأشياء اللي ذكرتيها إن شاء الله ان ماعليها حسوف
البيت وأغراضه تتعوض صحيح إن ذكرياتكم فيه واللي جاه مو هين بس خليها
مجرد تجربه تذكرينها في حياتك
على قول أهلي والله إنك حركااات حضرتي زلزال بقوة 7 درجات هههههههه
وسعي صدرك ولاتخلين الدنيا تحطمك في وقت إنت أحوج للفرح فيه من الحزن
الحمدلله درستي وشقيتي وتعبتي ونلتي ثمرة نجاحك
واعتبري هالفتره فترة نقاهه اطلعي فيها من برزبن >> يختي وش تبغين فيها بعد الفلود بالله ماعفتيها
أنا يوم جانا زلزال في كرايست كرهتها وإلى يومك مو طايقتها
والله أعرف إن كلامي مخرررررربط وأنا فاشله في مواساة الغير بس والله حاسه فيك
وقلت ماني بطالعه إلا وأنا كاتبه شيء
وياليتك بتجين عندنا زياره وأحطكم في عنوني
أسأل الله إن يديم عليكم نعمة الأمن ويحفظلك بعلك وبناتك ويأجركم على مصيبتكم

الحين حلمي بالسعاده بعد الماستر بدا يبعد ويبعد

لاتكون نظرتك سوداويه ولا الومك ولا احد يلومك بس قوووي نفسك ورجوعك بالماستر اكبر سعاده والسفرات والطلعات مثل ماقلت لك ان شااءلله الحياه حلووة جايه وجايبه خيير

ويبي يبعدني عن صديقاتي وخواتي وننقل للقولد

هو مو قصده يبي يبعدكم هو يبي مصلحتكم وصديقاتك وخواتك اكيد الكل الحين بيطلع وان شاءالله تتقابلون

ومايبيني اروح لاهلي بحكم اني خريجه (لاني اقترحت عليه يقعد الترم الجاي لوحده يشد حيله وانا والبنات ننزل السعوديه ورفض قطعيا)


انتي قلتوا شوروا علي
اذا انتي قربتي تخلصين اشوف ان نزلتك للسعوديه افضل عن الخساير والمشاكل في الإنتقال لمدينة ثانيه بس هو بعد يمكن الحين تناقشينه بالرجعه وهو متوتر نفسيا ومعنويا ويبيكم حوله لكن بعد ماتستقر النفسيه ناقشيه مره ثانيه وقولي له عشان مانتشتت وانتي مثل ماقلتي ترم واحد وتنتهون يعني بس ان شااءلله اشهر وهو اسهل له يقعد لحاله هذي حال الدنيا لازم تنازلت

الله يدبركم على اللي فيه الصالح يااارب

الحمدالله على سلامتكم اهم شي وباقي الاغراض اعتبري انك راجعه السعوديه وراميه كل شي وراك.. ولاتنسين تقارنين وضعك بأهل البلد واقربهم جارتك العجوز.. يعني انتو الحمدالله بيتكم اجار تطلعون منه وتلقون احسن منه بس الناس اللي راحت عليها بيوتها ومالها وحلالها
اما الباقي كله ولاشي قدام تحقيق حلم الماستر لاتخلين الاشياء الثانويه الباقيه تخرب فرحتك
اما نيوزلندا صدقيني دامك هنا ممديه تشوفينها ان شالله احس صعب الواحد يفكر بالرفاهيه والpleasure بينما في اولويات اكثر اهميه

مادري احس افضل حل هو انك ترجعي السعوديه فترة نقاهه لك وللبنات.. الى ان يدبر اموره زوجك ويستقر

اما فكرة الجولد كوست بعد حلوه تغيير وبعد عن جو برزبن وعجأتها.. ترى والله حلوه المدن الصغيره اريح نفسيا (عن تجربه) تعرفينها كلها شبر شبر بيومين

المهم الله يكتبلكم الخيره ويعوضكم عن اللي راح بأحسن منه

يا حبيبتي يا بيسو استرجعي كثير
انا لله و انا اليه راجعون خليها على لسانك طول الوقت تراها تساعدك بتهوين الامر عليك كثير
و كل هالاغراض اللي ببيتك بكم قولي بعشره الالاف عشرين الف تراها ما تسوى شئ عند سلامتكم
رجلك ما الومه لو قال تنقلون القولد كوست و الصدق اني اكره برزبن و انا مو ساكنتها سبحان الله ما حبيتها ابد و لا اتمنى ازورها رغم انها طبيعه فتاكة و اكتملت بالفيضانات
و بقولك شئ ثاني ترا نفسية الرجال بالغربة ادمر من الحريم بمراحل لكن ما يبينون يا حرام صدقيني كونه يقوم الصبح و يتصبح بوجهك حتى لو انك معصبة و الا معبسه تهون عليه الغربة
اكيد بتتعرفين على بنات بالقولد كوست و بتلاقين اشياء كثيرة تسوينها
الله يوسع صدرك بالعافيه و يخليك بنياتك و يحفظ لك اقرعك حياتهم هالقرعان وشي هي بدوننا