محتاجه نصائحكم

السلام عليكم بنات كيفكمبصراحه انا من كنت صغيره ماعندي ثقه بنفسي ومابي احط اللوم ع الاهل بس للاسف انا عندي خوات اكبر مني وانا اصغرهم وعمري حاليا ٣٥ من صغري تعرضت لتنمر سوا بالمدرسه او بالبيت وعشان م ابالغ الكثير مننا تعرض لتنمر بس الاغلب م اثر عليه بنات انا مريت بمواقف بطفولتي ومراهقتي بالذات فيها انوااااااع التحطيم والآذى النفسي تزوجت من عايله شخصياتهم قووويه واتعرض لمواقف تحرجني وتاذيني حتى من الاطفالاخت زوجي كبيره بيني وبينها سنتين بس هجوميه بدايه الزواج كانت تحترمني لانها مو عارفه شخصيتي بعد م عرفتني زين صارت تتمادى بكلامها معاي واذا جلست مع خواتي فضفضه احسهم يفرحون انه حماتك مو كويسه معاك وانت انتي شخصيتك مو قويه طبيعي بيحطون اللوم علىالمهم بعد فتره طويله حملت الحمدلله وبعد ولادتي صار معاي موقف ي بنات سخيف وتافهه بس غيرني جذريااااا الموقف كان مع اختي لانه بعد نفاسي سويت حفله بسيطه لاهلي قبل اسافر مع زوجيالمهم الموقف جدا بايخ بس جدا ضايقني وحسيتها رساله لي طبعا بعدها حلفت انه لااااازم اتغير مايصير اي كلمه تهزني واي شخص يقدر يستفزني حتى زوجي ملاحظ ودايما يقولي ابيك تكونين فطينه وذكيه وتاخذين حقك لانه شايف تعامل اهله وغير اهله معاي حتى عمته دايم تحرجني بالمناسبات ماتحترمني المهم بنات انا نقلت لديره ثانيه مافيها لا اهلي ولا اهل زوجي وحابه جدددد ابداا من جديد واطور من نفسي واقوى شخصيتي عشان نفسي وعيالي مابي كلام الناس وتعليقاتهم تهمني انا الحمدلله من اخر موقف صرت انسانه ثااااااانيه تعرفت على صديقات جدد لانه قبل ماعندي الا صديقه وحده وللاسف لاحظت انها تستمتع بطبعي وشخصيتي وحساسيتي قبل واذا ناقشتها بموضوع مضايقني احسها تفرح او تحسسني بالغلط وتخليني اندم اني تكلمت ف شلتها من بالي وخليت علاقتنا رسميه لان بكل سالفه تذكرني بمواقف تضايقني فبطلت اتكلم معاها تعرفت على جاره ساكنه جنبي جنسيتها مو سعوديه بس جداا راقييه وتعاملها حلو وبديت اتغير معاها وصرت اركز بكلامي واحاول اخذ واعطي لين قالت لي شخصيتك جدا حلوه واجتماعيه واحسك تحبين الناس كثير ولك علاقات وصداقات وووالخ وانا العكس شخصيتي م كانت كذا بس لاحظت التغييرمعليش بنات كثرت كلااام بس اعتبروها فضفضه وحابه استفيد منكم وافيد غيري من البنات اللي مرو بتجربتي وكيف قدرو يتغيرون للاحسن ويقوون ثقتهم بانفسهم وحاليا صرت نوعا ما رسميه مع اهلي وخواتي واحاول احط حدود للكل عشان ماحد يتمادى لانه قبل الدنيا سبهلله واي شخص يستفزني المهم بنات انتظر ردودكم لاحد يهمل الموضوع لاني جدا محتاجه تعطوني من خبراتكم عشان اصحى ع نفسي