محتاجه نصايحكم واقتراحاتكم لحرمه كبيره

السلام عليكم

أعرف حرمه كبيره أرمله وعندها بنات في المدرسه .. الحرمه هذي تبي لقمة العيش بدال ماتنتظر الصدقات من الناس وصارت تصلح خلطة بهارات القهوه وتبيعهم .... يوم اشتهرت بين الناس وحبو خلطتها جتها مشكله .. الزعفران صار غاااااااااااااالي ونااااااادر تحصل الأصلي ... وطبعا تغير سعر الخلطه بعد غلاء الزعفران وهي ماتحب تغش وتحط عصفر أو لون أصفر بداله لأنها تخاف الله وتبي شغلها يكون تمام ... الزباين زعلو من الغلاء وهي تعبت تدور الزعفران الأصلي بسعر مناسب ... تركت الشغله كلهااااااااا ....

المشكله انها الحين محتاجه لشغله تسويها من بيتها بين بناتها ولاتدري وش تسوي ... تبي شي هي تسويه مو صدقه من أحد ... أي فكره تقدر تطبقها في بيتها ....

ياليت نصايحكم واقتراحاتكم وأفكاركم عشان نقدر نساعدها بفكره تجيب لها ولبناتها خير ان شاء الله ...

ودعواتكم لها يابنات ان الله يفرج لها ويرزقها من حيث لاتحتسب ....