محتاجه نصيحه زوجيه منكم

السلام عليكم ورحمة الله وبركاته
اخواتي عندي مشكله واتمنى تنصحوني وتوجهني لاني بجد ماكتبتها الا وانا خلاص تعبت مره ومحتاجه خوات ينصحوني
انا كنت زوجه الكل يمدح حياتي مع زوجي وعيلتي قمه بالاحترام انا وزوجي ولا مره طلعر سوالفنا وخلافاتنا امام اهلي فكيف الناس بعد زواج دام اكثر من ١٥ سنه زوجي اعلن انه تزوج مسيار بعد ماخبى الموضوع عني وانا عملت نفسي مادري ولا كاني شاكه بشي لين تعب وقال اخبر اهلي واخبرها هنا انا مادري وش صار فيني تغيرت صرت انسانه عصبيه جدا جدا ماعاد اتحكم بلساني ولا بنفعالاتي ولا بغيرتي مع انه قال مسيار لكن طول الوقت برا البيت من يدخل انا لااراديا ابدا افرغ غضبي لان قهرني انه مافي عذر واكبر مني سنوات كبيره جدا بس عذره مايبغى يسافر مثل الي يسافرون حسب كلامه من اتكلم على طول دق علي اهلي وعلمهم بخلافنا ولا دق على اهله كل شوي جايب لي احد انا اعترف اني عصبيه بس مايتفاهم انتي غيرانه انتي انجنيتي من تزوجت هذاا شرع الله مالك شغل وانا اسوي الي ابي وارجع متى ماابي ويعاند ويغيب بالايام اي مشكله ونقاش سحب فراشه وطلع ولا اتصل واخذها ولا اتصل على اهلي فكوني منها اني تزوجت غثتني انا ابغى نصايحكم كيف اتخلص من شعور الغيره مادري غيره او كسرة نفس اوغبنه بس جد صرت ماعاد اتحمل اي غلط منه علي طول انفجر فيه وهو مايقصر يكبر ويضخم الامور ويدخل اهلي واهله مع اني اقول انت بس لو تسمعني وتفهمني بتنحل واهلي واهلك لايتدخلون لان امور تنحل ماوصلت للطلاق عشان تدخلهم
طول عمرنا مستورين ومشاكلنا نحلها بيننا بدون ماحد يدري حتى اهلي مصدومين يقولون تو تطلع مشاكلكم زوجك ماشتكى ولا انتي شكيتي دايم اموركم تمام انا الى الحين مو قادره اتقبل زواجه لدرجة الحين عرف نقطت ضعفي صار يقارن بيني وبينها كيف اقوي نفسي كيف اتخلص من عصبيتي ابغى اتخلص من شعور القهر كل مازعل هدد انه يروح لها ولا يسافر معاها ابغى كيف اخليه مايدخل اهلنا مع اني تكلمت كثير معاه وقلت امورنا تنحل بيننا عيب اسرارنا تطلع وحنا ننسى والناس ماتنسى واهلنا ينغثون معانا
ادري طولت بموضوعي بس والله انتم ملاذي الوحيد بعد الله لان جد جد محتاجه يد تمسكني وتطلعني من هالظلام الي انا فيه عادي لو قسيتو علي ماراح ازعل يمكن تكونون سبب براحة اخت لكم تعبت نفسياً سنتين اتخبط احيان افكر بالطلاق اريح لي وله وعقب اتعوذ من الشيطان