السلام عليكم
اني اختكم مزوجه وعايشه بالغربه صارلي 3 سنوات والي خلاني افكر واستحمل الغربه هيه مشاكل اهل زوجي
اسولفلكم وانتو احكم عليه اني غلطانه لو لا
اني تزوجت واني صغيره وعشت ويه اهل زوجي وشفت الضيم وخدمت الصغير والجبير وخلفت 3اولاد الحمدلله والشكر وعشت حيات تافها يعني حاسه نفسي مثل الخادمه لان اذا مااخدم تصير مشاكل بس والله العظيم من اكعد الصبح اشتغل لحد مانام اني على هذا الحال لا اشوف زوحي ولا ادري بولادي هذه كله واكول الحمدلله يجي يوم وارتام فكر زوجي يسافر ويسحبنه بعدين وسافر زوجي وتغرب سنتين ونص يله حصل اقامه واني مااسولفلكم حالي وحال اولادي من مشاكل وقهر عشتها بيت اهل زوجي لان ماكدرت اروح يم اهلي عندي ضروف منعتني
بس الحمدلله طلعت الاقامه وسحبني اني واولادي وصبرت على الغربه وفارقت اهلي بس حته ارتاح من المشاكل واليوم اتفاجأ بزوجي يتصل على اهله ويكلهم تعالو يمه عيشوا اني من سد التلفون كتلها يعني اني نهزمت من المشاكل وهسه راح تلحكني شنو التغير اني عايفه اهلي ومتغربه وهسه راح المشاكل نفسها تنعاد والله هوه يدز لهم فلوس ومن نسافر منقصر وياهم واني ابد ماادخل مااكله ليش انطيت لو دزيت واليوم تعاركنه اني وياه ويكلي اني كطعيه متردين اهلي وهسه ميحجي ويايه بس كولولي اني غلطانه تره والله تعبت من التفكير وهسه اكتبلكم اني منهاره لان الكلمات الي كليها كولش تقهر شسوي كولولي
البحر80 @albhr80
محررة برونزية
يلزم عليك تسجيل الدخول أولًا لكتابة تعليق.
حرف.الغلا
•
لا ياإختي ماغلطتي زوجك هو الغلطان ومن حقك تعيشين ببيت لحالك وتبعدين عن المشاكل ومالك الا الدعاء الله يهديه ويسخره لك طيب هم وش قالوا وش ردت فعلهم وافقوا وإلا إعتذروا ؟؟ لاتسبقين الأحداث يمكن مايرضون والله يكون بعونك إختي
عليكي بالاستغفار ودعاء اكرب ادعي ربك في القيام انهم مايوافقو يجو عندك
ولا لاتتعطل الامور ويلغو كل السفرة
ولا لاتتعطل الامور ويلغو كل السفرة
ياقلبي انتي مو ملزومه تخدمي احد لو عاند وجابهم خليهم يجلسو براحتهم وقولي لهم البيت بيتكم ووضحي لزوجك انك تعبانه من الحمل والولاده والتربيه مش بالعناد وتكبير الراس ولا تعودينهم انهم ضيوف خليهم يخدمون نفسهم وعيشي حياتك الخاصه لو بغرفه وحده
الصفحة الأخيرة